Shillong, Rymphang 19: U Myntri rangbah ka jylla Meghalaya u Conrad K Sangma u la buh ia ka jingtyrwa sha ki nonghikai ban siew noh ia ka tulop jong ki da ka “Online System” ia ka tulop jong ki nonghikai kumba leh ia ki nongtrei sorkar.
Ka jingtruwa na ka liang jong u myntri rangbah ban siew noh ia ka tulop da kaba shu phah beit noh sha ka bank akkount jong ki nonghikai ka long ban pynlait ia ka jingslem ba kin ioh ia ka tulop man la u bnai, kane ka jingtyrwa ka long ruh na ka bynta ki nonghikai kiba hikai ha ki skul deficit.
U Babu Kular Khongjirem u wei na ki nonghikai skul deficit u la ong ba lada kane ka rukon siew tulop thymmai ki khmih lynti ba ki nonghikai skul kin ioh noh ia ka tulop mala u bnai kumba ioh lem ki nongtrei sorkar.
U Babu Kular u la ong ba kane kan sa wanrah ruh ka jinyntoi ia ki nonghikai deficit kiba ju ioh tulop shisien man la ka 3 ne 4 bnai bad ia kynduh ruh ia ki jingeh ba laiphew jait ha ka kam kyrduh pisa ha ing ha sem jongki.
