Shillong, Naiwieng 19: U Bah Goodleaderson Nongsiej haba kren ai khublei iaki dkhot jong ka iing dorbar kiba la ai ka jingshaniah ha u kum u Chairman jong ka iing dorbar u la ong ba u kloi ban but ia ki kam ki ba bha ba la prat lynti da ki Chairman kiba la leit noh, khamtam eh ha kaba ia dei bad ki hima.
U la pynpaw ia ka jingsngewnguh ia ka kynhun synshar ka PDF kaba la ibit ia u ban shimti ia kane ka kam bad u la ong ba ha ka jingpyniaid ia ka iing dorbar yn ialeh katba lah ban but iaki rule kumba kila kyntu ha ka jingkren ai khubei.
Ha ka juh ka por u la pynpaw ka jingsngewnguh ia ki liang iatei, ba ki la pdiang ia u kum u chairman ba thymmai jong ka iing dorbar khlemd a don kano kano ka jingiakhun ia ka elelction kaba la ai kane ka lad ia u ban jop khlem da don ba ia leh pyrshah.
U bah Nongsiej u dei u Chairman u ba ha kane ka iing dorbar kaba mynta bad u long u Chairman u ba arphewsaw hapoh ka iing dorbar jong ka KHADC naduh ba la wan ka District Council ha u snem 1952. U Bah LG Nongsej u dei u MDC jong ka Nongstoin.
