Shillong, Naiwieng 22: U Bah Wankupar Syiemlieh kyrtong jong ka seng UDP na Nongspung-Sohiong konstitwensi, ha dien ba la dep ban thep ia ka nomination jong u kum u kyrtong ha kane ka elelction MDC shiteng samoi u la ong ba ka jingiakhun jong u ka long bad u bah HDR Lyngdoh.
Haba kren ha ki lad pathai khubor u la ong ba u Bah HDR Lyngdoh u la hiar shuki noh na ka kam MDC namar bay m tip ia ki ain bad mynta u pyniakhun ia u khun jong u, kane ka jingiakhun kan long bad u bah HDR Lyngdoh u ba dei u myntri jong ka sorkar.
U Bah Wankupar u la ong ba u la la ia khun ia ka election la ar sien bad kane ka dei ka shim kaba lai bad u don ka jingkyrmen ba ki paidbah kila iohi ia ka jingkwah jong u ban shakri ia ki paidbah bad kane ka jingpynieng jong u Bah HDR Lyngdoh da u khun ka long ba u kwah ban pynlong kam iing ia ka sian pyrthei.
U la ong ba ki paidbah ki kwah ia ka jingkylla bad kata ka jingkylla kan long b aka election kan long kaba khuid bad kane ka election mynta kan long kaba khuid da ka jingleh kane ka sorkar jong u Narendra Modi ban pynkylla ia ka pisa.
