Shillong, Jylliew 17: U MLA jong ka Shillong South u ba dei ruh u MDC jong ka Laban mynta ka sngi u la khanglad ia ki briew jong ka KHADC kiba dang leit ban jurip ia ki dukan ba don sha ki thain Laban ban lap la ki don ne em ia ka trading license.
U bah Sahbor Shulai ula pynksan ia kane ka jingkhanglad ka jong u da kaba ong ba na ka liang jong ka KHADC kam shym la pyntip ia u kum u nongmih khmat na katei ka jaka bad ha ka juh ka por na ka liang jong ki rangbah shnong ruh kim don jingtip ei ei.
Ki briew jong ka KHADC kila hap ban leit phai noh bad ia kito ki dukan kaba kila dep ban jurip ia ki bymdon trading license kila khang tala noh. U Bah Latiplang EM ba dei peit ia ka tand khaii pateng u la ong ba ka dei ka jingshisha ba ki hap ban buh teng ia kane ka jingkhynra.
Ha ka juh ka por u EM u la ong ba na ka liang jong ka KHADC ka don la ka jong ka ain ba ka lah ban khynra ia ki nongkhaii ba khlem da don ia ki kot ki sla kiba biang kiba don hapoh u pud u sam jong ka KHADC. U Bah Sanbor u MDC ba la rim tam hapoh jong ka KHADC u dei ban sngewthuh ia kane.(SP News)
