Shillong, Jylliew 04: Halor ka jingkynnoh jong u myntri rangbah u Dr Mukul Sangma ba ka jingiatehlok jong ka UDP bad ka HSPDP ka dei ka jingiatehlok kaba na shadien bad ka BJP, ka long kaei kaei kaba bakla, la ong u Bah Ardent Basaiawmoit.
Haba kren ha u SP News Agency lyngba ka phone u Bah Ardent u la ong ba ka katei ka jingkynthoh jong u Dr Mukul na ka liang jong u Bah Ardent president jong ka seng HSPDP, u ba dei ruh u Co-Chairman ha ka kynhun ia tehlok u la ong ba kane baroh ka dei ka jingtieng palat jong u Dr Mukul ia kane ka kynhun kaba ka UDP bad ka HSPDP kila shim ia ka rai ban ia treilang.
Ka jingthmu jong kane ka jingiatehlok ha pdeng ki seng riewlum ka long ban pynioh ia ka sorkar ha u snem 2018 da ka sorkar ka bym dei jong ka seng Congress lane jong ka seng BJP. Ka dei ban long ka sorkar jong ki seng riewlum jong ka jylla.
Haba ia dei bad ka jingong ha kaba ia dei bad ka NEDA, na ka liang jong u Bah Ardent u la kren shai ba ka seng HSPDP kam don jingiadei ei ei ruh em bad kata ka NEDA naduh ba sdang ia ka. Ha ka juh ka por u tei u nongialam jong ka seng HSPDP u la ong u tip aiu u Dr Mukul ia kane ka jingiateh lok ka UDP bad HSPDP.
