SHILLONG, jymmang 28: U phadar sngi u ba ki paidbah ki juh ia khot iew u la khlad noh mynta ka sngi ha Nazareth Hospital Shillong, u la dap 95 snem ka rta, hadien ba ka jingshitom kala bat ia u katto katne por.
U Phadar Sylvanus Sngi Lyngdoh la kha ia u ha u snem 1921 ha Ri Bhoi District bad ha dien ka jingpule jong u u la leit ban pyniasoh ia la de bad ka seng niam Silesian kaba dei jong ka baling katholik, la pynkyntang phadar ia u ha u snem 1958. Ha kine ki jinglong phadar jong u u la trei haki bun ki bynta jong ka balang ban ialap ia ka ktien ka jong u blei.
U phadar sngi u ba juhia tip paidbah, ym dei tang ba u long u Lyngdoh jong ka Balang hynrei u dei ruh u nongthoh kot ha kaba u la thoh bun ki kot khasi da kaba pynkylla ruh ia kiwei ki jaid ktien sha ka ktien khasi. Ha ki sngi jinglong tynmen jong u la trei hapoh Sacred Theological Collage ban hikai ha kane ka skul hikai ia ki brother ban long lyngdoh haduh kine ki sngi kiba khatduh ka jong u.
Ka jingleit ontep don burom ia u phadar sngi kan long ha ka sngi nyngkong ha u lum jingtep jong ka Balang Katholik ha Laitumkrah ia ka jinglehniam leh rukom yn sa pynlong ha iing mane bah jong ka Laitumkhrah parish.
