Nongstoin, Jylliew 14: Ka Hynniewtrep people Social Organisation Rambrai Circle kum ka Seng kaba don hapoh jong ka thain ka dap da ka jingsngewlyngoh kaba khraw ha kaba ia dei bad ka jingkiew dor ka bai kali na ka bynta ki nongshong kali kamai taxi,sumo na Nongstoin sha Rambrai ha kaba mynta ka dor jong ka bai kali ka la shongdor sha ka 50 tyngka uwei u briew ha kaba mynno mynno ka long 40 tyngka uwei ia u nongleit nongwan.
ka seng ka dap da ka jinglyngoh bad pynrem jur halor kane ka jingpynkiew ia ka dor bai kali khlem kano kano ka daw hynrei la shu pynkiew dor haduh 10 tyngka . kane ka jingpynkiew ia ka dor bai kali ka ktah ia u paidbah jong ka thain lane ia ki nongleit nong wan jong ki paidbah khamtam ia uba duk.
kumta na ka liang ka seng kan sa leit ban ujor sha ki bor ba halor kiba khmih ia ka transport halor kane jingpynkiew dor bad ka Seng ka kyntu ia ki paidbah jong ka thain ban ai ka jingkyrshanlem ia ka Seng halor kane pynkut ka kyrwoh na u R.Syiem Secretary Hynniewtrep People Social Organisation Rambrai Circle.(SP News)
