Shillong, August 10: Ha ka jingialehkai kaba dang shu kut shen ha ka nongbah Delhi kaba la long B. R. Ambedkar Sports Foundation National Games, ha Talkota Stadium kaba la long lai sngi kynter. Ha kane ka jingialehkai ka jylla Meghalaya kala wan ba lai ha kaba la lah ban ioh haduh 11 tylli ki takma ksiar, 7 tylli ki rupa bad 2 tylli ki rynong.
Na ka liang jong ka seng Taekwondo Martial Art (ATMA) kan pynkup burom ia kine ki nong jop baroh ka 14 tarik jong u Nailar. Ia kane ka kynhun ialehkai la ialam da u Binod Kumar, Chief Technical Director, Association of Taekwondo Martial Art (ATMA).
Kiba la ioh ia ka takma ksiar ha kane ka jingialehkai ki long u Sameer Thakur, Bantei Bahunlang, Amar Jyoti, Francis Hek, Raunak Sharma, Rohit Rawani, Ajit Giri, Vishal Rai, Arjun Rana, Bikash Barua bad u Ujjal Barua. Kiba la ioh pat ia ka takma rupa ki long u Akash Sing, Bikash Tiwari, Saurav Das, Pritam Deb, Imran Khan, Sonia Shylla bad Nitin Sharma, kiba la ioh ia ka takma rynong ki long u Sunny Kumar Shah bad u Saurav Tiwari.
