Shillong, Lber 16: U Additional Director jong ki shipai BSF ba dei peit ia ka bynta jong ka thian mihngi u Ravi Gandhi ha ka jingwan sha Meghalaya u la leit ban jngoh ia ka Dawki bad Lyngkhat ka khappud bad ka Bangladesh.
Ha ka jingleit jngoh ka jong u ADG sha Tura u la ia kynduh ia ki ophisar ha kaba u la kren bad kyntu ia ki ophisar ba kin long kiba koit kiba khiah bad kiba khlain ha ka jingmut jingpyrkhat kum ki ophisar.
Kane ka jingwan ka jong u sha Meghalaya ka la ong ban wan jurip ia ka jingtrei kam bad ban kham pynkhlain shuh shuh ia ka jingiada ha khappud bad ka Bangladesh ba pynbiang ia ka jingiada ha khappud.
Ha kane ka jingleit jurip ia ki khappud la synran ran da u ADG jong u IG BSF jong ka Eastern Frontier u Harbax Singh Dhillon, ha kaba u la batai ia ki jingdon kam bad ki jingeh kaba ki ia kynduh ha khappud bad ia ki lat ki lynti kaba kila leh ha khappud.
Ha kane ka jingwan jngoh ia ka jylla Meghalaya la leit ban ia kynduh ia u Lat ka jylla u Phagu Chauhan, ia u Chief Secretary ka jylla u bah D.P Wahlang bad ia u Director general ki pulitka jylla u Dr. L.R Bishnoi.
