Shillong, Lber 13: Ban kren halor ka jingeh ba ki paidbah ki ia kynduh ha ka kam kamai jakpoh jong ki wanrah u MDC ka Sohra u bah Titosstarwell Chyne u ba dei ruh u nong ialam ka liang iatei ha poh ka iingdorbar ka Khasi Hills Autonomous District Council.
U bah Titoss Chyne myntaka sngi ka 13 tarik u bnai Lber 2024 ka ba dei ruh ka sngi kut jong ka dorbar ka council u la wan rah da ka motions ha poh ka iing ban kren halor ka jineh ba ki paidbah ki ia kynduh ha ka kam kamai jakpoh jong ki, ki ba hap hapoh ka jingpeit jingkhmieh jong ka LHADC.
U bah Chyne haba pynpaw ia ka jingeh jong ki paidbah u la ong ba na ka liang jong u la ioh I shibun ki kharkhana ki ba na Shabar ki ba la wan ban seng ia ki kam ki jam jong hapoh ka jingpeit jing khmieh jong ka District Council hynrei ha duh katno kine ki company ba na shabr ki la lah ban ai kam ia ki samla jong ngi.
U la ong ruh ba na ka liang jong u, u la ioh I ba bun na ki kali tourist ki ba wan sha kane ka jylla jongi ki dei da ki briew ki ba na Shabar ha ka ba kane ka la wan rah ia ka jingduh kamai ia ki briew jong ka Jylla bad u la kyntu ruh ba na ka liang ka Council ka la dei ban leh eiei halor kane ka bynta.
U bah Chyne u la kren ruh ia ka jingeh jong ki nongrep ha ka ba u la ong ba ki ba bun ki briew ki ba im ha ka jylla ki dei ki nongrep u la ong ruh ba ki la don ki nongrep ha kine ki sngi ki ba la leit ban ia kynduh ia kine ki nongkhaii ki ba don ha ka Iew Mawiong ban leit ban watjingtip halor ka jinghiar dor u synsar u ba la kylla long u marrep ha ka ba ka council ka la pynlait na ka khajna ia u synsar. U la ong ruh buhruh ka jingkylli ba mano ba bat ia u shabi jong ka jingiadie ia thied ia u synsar ha poh ka jylla.
U bah Chyne u la ongruh ba ka jingshah khang jong ki paidbah ha ka ba iadei bad ka jingthiemaw jingtieh shyiap hapoh ka Jylla ka la ktah ia ka kamai jakpoh jong ki paidbah ki ba shu im kyndoi jakpoh da kane ka kam.
U la ong ruh ba ka rukom tih maw tihshyiap ka ba ki briew ki pyndon kam ka long kat kum ka juk jong ki mynbarim ki bas hu pyndon kam da ki lyngka, ka borsha bad kiewi kiwei khlem da pyndon kam ia ki machine kat kum ka juk ba mynt.
U la ong ruh ba haduh katno ki briew ki lah ban im ja kpoh da ka kam sorkar.U bah Chyne u la kren ruh ha ka ba iadei bad ka jingdon kam ban kyntiew ha ka kam ri jingri namar ka jylla ka long ka ban pyndonkam shi bun ka doh.
Ha ka jubab ia ka motion na ka liang u CEM ka Council u bah Pyniaid Syiem u la ong ba ka district council ka dei ka wei ka ban iada ia ka hok jong ki rit paid hapoh ka Jylla ia ka ba la pynkupbor da ka constitution of India. U la ong ruh ba na duh ba la ioh ia ka district council hapoh ka Jylla ki ba bun ki la ialeh kumno ban iada ia ka hok jong ki trai ri trai muluk.
U bah Pyniaid u la ong ba na ka liang ka council kala leh la ka jongka bynta ha ka ban pyrkhieng ha ka ba iadei bad ka jingai treading licence sha ki bar jylla bad kymjuh ruh sha ki company ki ba na bar ka Jylla. u la ong ruh ba na ka liang ka sorkar Jylla ka la wanrah shibun ki kam pynroi lyngba ka CM elevate, ka Prime bad kiwei kiwei.
U la ong ruh na ka liang ka Council kan sa wan rah da ka skill Development ha ka ban ai ia ki kyja training ia ki samla hapoh ka Jylla bad kumjuh ruh ban ai ka jinghikai ia ki ha ki ba bun ki lang khnang ba kin lah ban ieng hala ki jong ki kjat bad kum juh khnanga ba ki samla jongngi ki long ki nongaikam ia ki para samla.
U bah Pyniaid u la ong ruh ba ha kaba iadei bad ka jingwan jongkine ki company ba na bar ban wan sengkam sha kane ka Jylla na ka liang ka council ka la ialeh ban pynkhlain ha ka ba iadei bad ki kyndon ha ka ba u la ong ba kino kino ki kam ba ki briew napoh ka Jylla ki la lah ban trei na ka liang ka council kan ym ai trading license sha kine ki briew.
U bah Pyniad u la buhruh ka jingkyntu ia ki samla bad ia ki briew ki ba smat tangban kynthoh bad wohdaw ia ki jingtrei jong ka council ba kimdei ban sngew ieid jaidbynriew tang ha poh ka social media, hynrei ki sngew bha ban mih sha madan ha ka ban leit knieh ia ka kam khaii pateng ha ki jaka khappud jong ka Jylla. u la ong ruh ba na la liang ka council kan lah ban knieh ia ka treading license la ki samla ki shlur ban mih sha madan.
Kiwei kiwei pat ki ba la iashim bynta ha kane ka motion ba la wanarh da I bah TW Chyne ki ba kynthu na duh u bah Jambor War, u bah M M Mukhim, u bah R V Lyngdoh ki ba la pynpaw ia ka juh ka jingsngew halor ka jingshah knieh jubor ki lad kamai jaka kpoh jong ki paidbah bad ki la ai ruh ia ki jingmut jong ki sha ka EC ba ka la dei ka por ba na ka liang ka Council kan phah da ka jingtthoh sha ka Sorkar Jylla halor kane ka bynta.
