Byrnihat,Nailur 17: Ka jingleh burom kaba 43rd ia kiba la lah ban pyndep ia ka jingai jinghikai ha kaba ia dei bad ka mariang ha ka kyrdan field assitance, na ka bynta jong u snem 2015-2016 la pynlong mynta ka sngi ha “Conservation Training Institute” kaba don ha Byrnihat, ha kaba u myntri ba dei peit ia ka tnad soil and water conservation u Bah Ronnie V Lyngdoh u la ong u kongsan.
Na ka bynta jong u snem 2015-2016 kiba la lah ban pyndep ia kane ka jingai jinghikai ki don haduh 52 ngut, baroh kine kiba la wan ban shah hikai ha kane ka jaka la shim na kylleng ka jylla na ki tnad sorkar bapher bapher bad kumjuh na ki District Council, kane ka jaka ai jinghikai ka dei tang ma kaba don ha kane ka dong shatei lam mih ngi jong ka Ri India.
Haba kren kum u kongsan ha kane ka jingleh burom ia kine kiba la pyndep ia kane ka jinghikai, na ka liang jong u myntri ka tnad soil bad water conservation u Bah Ronnie V Lyngdoh, u la ong ba kane ka jaka ai jinghikai ka ieng mynta namar ka jingiohi jngai jong kito ki ophisar kiba la leit noh sha khmat ba kane ka ja ai jinghikai ka dei ban don ha kane ka jylla.
Ha kane ka sngi na ka liang jong u myntri u la kren diaw, ba balei ka jylla kam leh ban don ia ka Medical College bad ia ka Engineering College ha kane ka jylla, ha kaba ia ki khun kti la hap ban phah sha bar jong ka jylla ban leit pule, kane ka jai leh se na ka daw jong ka jingbym iohi jngai ha ki por ba la leit noh.
U myntri u la ong “khatwei bnai kijinghikai kam dei kaba jrong, hynrei ha kine ki khatwei bnai kiba phi la ioh ia ki jinghikai phi la lah ban leh ei ei na ka bynta ka jylla, kane ka long kaba don kam, ban pynthikna kumno ban iada ia ka mei mariang bad ban iada ka jingkhluid jong ka pyrthei.
U myntri u la kyntu ia kine kiba la pyndep ia ki jinghikai da kaba ong “ wat leh ia ki kam jong phi tang ban ioh tulop, hynrei pyndep bha ia ki kam kiba la aiti ha phi ban pynneh pynsah ia ka mariang, ai ba ngin lah ban pynkylla ia kane ka pyrthei ba kan long ka paradise. La ong ba lyngba kane ka tnad sorkar kin don bun ki skhim ban ia da ia ka mei mariang.
“Nga sngewkmen ba umyntri rangbah ka jylla u la I bit ia nga ban pynkhamti ia kane ka tnad sorkar, namar kane ka tnad sorkar ka ia dei bad ka ki kam ban pynneh pynsah ia ka khyndew, ki um kiba ia dei bad ka mariang” la kyntu ia baroh kiba la pyndep ia kane ka jinghikai ba ai ia kaei kaba kila ioh ha kine ki jinghikai kin pyntrei kam ia ki ha ki kam kaba kin trei.
“ Ka jylla jong ngi ka long kaba rit, kan nym don jingeh, ha ka ryngkat ki kam pynroi, ryngkat ryngat kumno ban leh na ka bynta ban pyneh pynsah ia ka meimariang, ka jylla ka dang don kam shibun ki kam pynroi kaba dang hap ban iaid sha khmat”.
Kiwei ki nongkren ki long u Dr C Lyngdoh, Bah Kenendy Khyriem baroh ar ngut ki dei ki parliamentary Secretary, nalor jong ki don ruh ki heh sorkar na ka tnad soil kiba la kren ha kane ka sngi sah kynmaw ha kaba ki 52 ngut kiba la wan ban shah shikai ha kane ka jaka kila lah ban pyndep ia ka jinghikai.
