Shillong, Jylliew 16: U Director of Sports bad Youth Affairs, jong ka sorkar Meghalaya u la pyntip ba kin wad ia ki khynnah kiba don ia ka sap ialehkai football ha kaba kin don ki riewshemphang ban jied iaki khynnah na ka bynta ban phah hikai ha ka Ri Germany ha kaba kan don ka jingai baibam.
Ia kane la kyrshan da ka Tata Trusts bad ka U Dream Football naka bynta ka jingialehkai kynjat ball kitei ki ar tylli ki seng kin bei ia ka jinglut jingsep baroh, kane ka kynhun ban jied ia ki khynnah yn leh da u Fabian Ewertz jong ka FC Bitburg, u ban ka Ri Germany ha ka 18 tarik mynta u bnai ha madan polo naduh ka por khyndai baje mynstep.
Kino kino ki khynnah kiba hapoh ka 15 snem kiba kwah ban leit sha katei ka jinghikai hapoh jong ka Ri Germany kin ia kynduh ia u Bah Khlain Pyrkhat Syiemlieh, Football Coach hapoh jong ka ophis Directorate of Sports & Youth Affairs na ka bynta kano kano ka jingdon kam kaba don ha Madan Polo.
