Shillong, Iaiong 18: Ka seng ki nonghikai jong ka ALL Meghalaya SSA School Association (AMSSASA) ha dien ba kala ioh ia ka jingkyrpad na ki kmie ki kpa bad kum juh na ki Managing Committee jong ki skul kila pynlong ia ka jingiashong pyrkhat kam kaba kykrieh mynta ka sngi bad ha dien ba kila ia kren kila wengnoh ia kane ka jingiakhih pep leit hikai skul naduh mynta ka sngi.
U Bah Aristotle Rymbai president jong ka seng u la ong ba, ha dien ka jingkyrpad kaba la wan na ki kmie ki kpa bad ki managing committee ka seng kala sngap ia ka jingkyrpad jong ki bad kila weng noh ia kane ka jingiakhih ka jong ki naduh mynta ka sngi. Hynrei kila shim ia ka rai ba kin pynlong ia ka jingdeng lama iong naduh la shai ka sngi ha duh ka 25 tarik mynta u bnai.
Ha dien ba ki nonghikai kila shim ia kane ka rai lada ka sorkar kam sngap ia ka jingdawa ka jong ki na ka liang jong ki nonghikai kin pynlong pat ia ka jingshah thngan kaba lai sngi lynter ka ban sdang ha ka 26 bad kan kut ha ka 28 tarik mynta u bnai kine ki long ki rai kiba la shim ha ka jingialang kaba la long mynta ka sngi.
