Jowai, Naiwieng 07: Ka Jaintia Stuydents’ Union (JSU) Mukhap Unit, haka jingpyllait khubor mynta ka sngi lyngba u General Secretary Samla N. Sungoh ka pynpaw iaka jingsngewkhia halor ka jing ialehkai bad ka jingbympatiaw ka tnad MeECL iaka jingud jingnam bad shitom ki paidbah jongka dong shnongthymme Mukhap namar ka jingduh ligh mynta la lai bnai ei ei.
Naduh u bnai Nailur mynta u snem u transformer jong kane ka dong u la duh noh, bad tang hadien katto katne sngi na ka liang ka Dorbar Shnong jongka shnong Mukhap ryngkat bad ki nongialam jongka JSU Mukhap Unit kila pyntip sha ki bor ba halor, hynrei haduh mynta ka tnad MeECL ,Distribution Division Jowai Division) kam patiaw satia bad ki paidbah ki sah kut haka jingdum bad ki khynnad Skul kila ia kynduh mawsiang namar ki hap banpynkhreh iaki exam bapher bapher jongki.
Haba jingbud dien ia kane ka jingeh na ka liang ka JSU Mukhap Unit ka la lap ba iaka bai light (Bill) hapoh kane ka dong ki paidbah lane ki thliew Iing kila siew dep lut, bad ym don shuh kaba dang sah teng, bad ym tip pat balei bad na kiei ki daw ba kane ka tnad kam treh satia ban shimkhia ia kane ka jingeh jongki paidbah khamtam hakum kine kipor ba ki khynnah skul ki dong kam eh bkynthoh une u nongialam ka JSU.
bunsien ngi la ia kynduh bad pynsngew ia kane ha u SDO kane ka tnad ba dei peit ia kane ka bynta bad kumjuh wat sha u CEO ruh, hynrei man ba ia kynduh iaki, ki ong beit ban iai ap namar ympat don machine Tranformer thymmai bad ka jingiai ap kala dier palat bad haduh mynta yn pat lah satia ban pynioh bor ding hapoh kane ka dong, bad kane hi ka paw ba ka tnad MeECL kam don satia ka jingkit khlieh iaka bhah ka miat bad ka jingmyntoi jongki paidbah bad khamtam eh iaki khynnah skul bynrap shuh shuh une u nongialam.
