Shillong, Nailur 8: Ban kyntiew ia ka jingsuk bad ka jingieit para briew kaba dei ka jingthrnang jong ka Mother Teresa , halor kane ka phang yn pynlong ia ka “International Film Festival” ha kane ka nongbah shillong naduh ka 6 haduh ka 9 tarik jong u Nailar ha U Soso Tham Auditorium.
Ia kane ka tamasa yn pynlong ha kumba 100 tylli ki nongbah ha kane ka Ri India baroh kawei bad ha ki 50 tylli ki ri jong ka pyrthei ia kane ka phlim jong ka Mother la dep ban pyni ha ki 7 tylli ki ri jong ka pyrthei kum ha Spain, Canada, France, Italy, USA, Japan bad mynta ha India. Ha Ri India ia kane ka tamasa yn sdang na Kolkata ha ka 26 tarik mynta u bnai haduh ka 29 tarik.
Haba kren ha ki nongthoh khubor mynta ka sngi ha kane ka nogbah Shillong u Fr. Francis Steven, la ong ba baroh ki phlim kiban pyni ha kane ka tamasa kan long halor ka jingim jong ka Mother Teresa u kyrmen ba kane ka jingpyni ia ki phlim jong kane ka Sister kaba la bna nam ha ka pyrthei kan pyntung ha ki briew ia ka mynsiem ia ieit para briew.
Ngi kyrmen ba bun na ki ban wan peit ia kane ka phlim kin long ki samla pule bad kane kan ai mynsiem ia ki ba kin but ia ki matti jong ka ha ka jingim ka jong ki samla.
