Shillong, Naitung 07: Ka Asian Confluence ryngkat bad kibor ba dei peit ia ka East Khasi Hills District kin pynlong ia ka “Nodifestival” kaba ar sngi lynter ha kane ka nongbah Shillong ha ka 15 bad 16 tarik mynta u bnai ha kaba bun ki heh sorkar na kiwei ki ri ruh kin wan ban ia shim bynta lang.
Haba kren ha ki nongthoh khubor mynta ka sngi u Director jong kane ka seng u Sabyasachi Dutta u la ong ba kane ka jingpynlong ia kane ka jinglehkmen ka long ban wanrah ia ka jingiajan hapdeng kine ki briew ka dong shatei lam mih ngi jong ka Ri India bad kiwei ki ri kiba marjan.
Ki heh sorkar na ka Ri Bangladesh, Nepal, Butan bad Maynmar kin poi ha kine ki ar sngi jong ka jingle kmen, ki heh jong ka sorkar India ruh kin poi lang ha kine ki ar sngi. Kane ka jingleh kmen kaba ar sngi kam dei tang ia ki heh sorkar hynrei ka long na ka bynta jong baroh ki paidbah kiba don ia ka mon ban wan ia shim bynta lang.
Ka kong P Lawai, haba kren ha ki nongthoh khubor mynta ka sngi kala ong ba kane ka jingpynlong ia kane ka jingle kmen ka long halor ka jingiasoi jong ka Ri India bad ka Bangladesh ia ka “Bilateral Agreement ha u snem 2015, kane ka long ban kyntiew ia ka ioh ka kot, ka kamai ka jih hapdeng kine ki ar tylli ki bad ha ka juh ka por ban iada iaki um ki kwah. Kumba ka long mynta ka jylla Meghalaya ia ki wah la pynioh um tang da u slap.
