Shillong, Lber 08: Ka Department of Telecommunications (DoT), North East Licensed Service Areas (LSA) kan pynlong ia ka jingialang lyngba ka bor internet halor ka Prime Minister’s Wi-Fi Access Network Interface (PM-WANI) ha ka por 11:30 ha ka 14 tarik Lber, 2024. Ka jing thmu kalong ban kyntiew jingtip halor kane hapdeng kito kiba don ha kane ka kam bad kiba don lad ban rung ha kane ka kam.
Ka PM-WANI jong ka DoT kadei ka sienjam ba la ioh jingmynjur na ka Kynhun Myntri jong ka sorkarpdeng ba la khlieh da u Myntri Rangbah duh, Narendra Modi ban pynsaphriang ia ka broadband lyngba ki rynsan Wi -Fi jong ki paidbah.
Ka rukom treikam jong ka skhim ka pynsuk ia ki kam khaii pateng bad pynshlur ia ki dukan ha ka thain bad ki dukanbaritbariaban long ki nongai Wi-Fi Hotspot – Public Data Office (PDO).
Ki dukan ha ka thain bad ki dukanbaritbaria kum ki PDO ki lah ban ioh jingkamai na kaba die ia ka internet khlem da donkam kanokano ka license, ka jingkyntiew kyrteng bad lane kanokano ka jingsiew sha ka DoT.
Ki PDO kiba la don lypa ki PDO ba thmu ban rung ha kane ka kam jong ki riew paidbah ki lah ban phah ia ka jingmynjur jong ki ban iasoh bad kane ka jingialang lyngba ka bor internet, ryngkat bad ki jingai jingmut jong ki ha ka adett.nelsa-dot@gov.in ha kaba iadei bad kane. Ia ka Link na ka bynta ka jingialang yn sa ai sha baroh ki nongiashim bynta ha ka por kaba dei.
