Shillong, Naiwieng 17: Namar ka jingduna palat jong ki doctor ha ka jylla ka sorkar mynta ka sngi kala shim ia ka rai banthung noh ia ki phra ngut ki doctor kiba la pyndep ia ka jingpule ka jong ki ha ka kyrdan MBBS ki ba ki “non-bonded Doctor”.
U myntri rangbah ka jylla u la ong ba ka jingshim ia kane ka rai ka long b aka jylla ka don ha pdeng ka jingduna ia ki doctor kiba la phah da ka sorkar. Ka daw ka long ba don ki doctor kiba la leit ban pule yn da kila pyndep ia ka jingpule ki siew noh sha ka sorkar ia ka pisa bai bond bad kim treh ban trei bad ka sorkar.
Ha kane ka sngi ka cabinet ruh kala pdiang ia ka kalender jong ki sngi shuti na ka bynta jong u snem 2017, u myntri rangbah u la ong b aka jingkylla ka long tang ha ka 24 tarik jong u bnai Nohprah, ha kane ka sngi kan long noh ka sngi shuti bad ia ka shuti kaba dei ha ka 01 tarik u bnai Iaiong pat la buh ba kan long noh ka sngi long trei. Kiwei ki sngi shuti kin neh kum juh.
