Shillong, Naitung 06: U Deputy Commissioner jong ka East Jiantia Hills District ha dien ba la sngap ia ki ar liang mamla kiba kwah ban pynneh bad kiba kwah ban pynlyntiah ia ka Blok Wapung sha Lumshong, u la bethah ia ki rangbah shnong ba kin ai da ka jingthoh khnang ba ka ophis kan ai ia ka kaiphot sha ka sorkar.
Ia kane ka jingialang paidbah ban sngap ia ka jingai jingmut jong ki paidbah halor ka Blok Wapung la yn pynneh ha juh ne ban rah sha Lumshong la pynlong mynta ka sngi ha Wapung Secondary School, ha kaba u Bah FM Dopth ki magistrate bad rangbah shnong kiba hap hapoh jong ka blok Wapung kila ia don lang.
Ha kane ka jingialang na ka liang jong u DC u la bethah ia baroh kiba kwah ban kren ki dei ban kren beit thik tang ia ka phang ha kaba ia dei bad ka jingpynkynriah ia ka Blok Wapung bad lada pynkynriah ia kiei ki jingeh kiba lah ban ktah na kane ka jingpynkynriah ia ka Blok. Ia ka jingkren ai khublei ha kane ka jingialang la aid a u Bah S Marwein, EAC u ba dei ruh u BDO jong ka Blok Wapung.
