Da ka jingthoh ai ka HYC sha u Dr Mukul ba wan tei Police Outpost ka Assam ha Umru

Shillong, Naiwieng 13: Ka seng HynniewtrDkhot ka HYC.ep Youth Council jong ka Ri Bhoi District kaba dei na ka Raid Nongtung kala phah da ka jingthoh sha u myntri rangbah ka jylla u Dr Mukul Sangma ban pyntip sha u ba ka sorkar Assam mynta kala wan tei ia ka Police Outpost hapoh jong ka shnong Umra ha jan shnong Turso kaba hap hapoh jong ka Ri Bhoi District.

Haba kren ha ki lad pathai khubor u Bah Hercules Suting Genenral Secretary jong ka HYC jong ka Ri Bhoi District, u la ong ba lada ka sorkar Assam ka lah ban khang ia ka sorkar Meghalaya ha ka por ba ka leit ban pynpur ksainar ding eletrik sha shnong Sabuda halor ka jingong ba kane ka dei ka jaka ba dang don ha pdeng ka jingiapynbeit, ka sorkar Meghalaya ruh ka dei ban khang ia ka sorkar Assam ban shna ia ka Police Outpost ha shnong Umru namar ka don sha poh jong ka jylla Meghalaya.

Na ka liang jong ka seng HYC ka pyrshah jur ia kane ka jingeh jong ka sorkar Assam, na ka liang jong ka seng kala pynpaw ba lada ka sorkar Meghalaya kam leh ei ei halor kane ka jingpyntip jong ka seng, na ka liang jong ka seng kam ban se ban khanglad ia ka sorkar Assam ba kam dei ban ioh lad ban tei ia ka tei ka police outpost ha katei ka jaka lada ka long ha kano kano ka rukom.

U Bah Suting, u la ong ba lada ka sorkar Meghalaya bad ka sorkar Assam kim lah shuh ban ia pynbeit ia uta u pud u sam mynta la jan dap sha ka sanphew snem, ka sorkar Meghalaya kala dei ban dawa na ka sorkar pdeng ba ka dei ban tuklar bad lada ka sorkar pdeng kam leh ei ei ka long ba ka don ka iing bishar kaba ha khliehduh jong ka Ri ka Supreme Court ai kan tuklar ban pynbeit ia kane ka kam.

What Next?

Recent Articles

Leave a Reply

Submit Comment
*