Ka sorkar kan  shim baroh ki lat ki lynti ban iada ia ki paidbah na ka jingpang COVID-19: Conrad

Shillong, Naitung 16: Mynta ka sngi u shongknor ka iing dorbar thawain ka jylla u Bah Metbah Lyngdoh u la khot ia ka jingialang jong baroh ki seng sain pyrthei ha MLA Hostel ban ia kren halor kane ka khlam COVID-19 ha ka jylla.

Ha dien ba la kit ka jingialang kaba la neh kumba ar kynta tam ei ei, u Myntri Rangbah ka jylla u Conrad K Sangma u la ong ba ka sokar kan shim ia baroh ki lat ki lynti ban iada ia ki paidbah na kane ka khlam COVID-19 wat lada hap ban dang kahm pynpyrkhing shuh shuh.

U Myntri Rangba u la ong ba yn nym lah ban kiar ia mynta shipor na kane ka khlam hynrei hap ban iaid lang ryngkat ryngkat bad kane ka khlam COVID-19 da kaba phikir bad na ka liang jong ka sorkar ruh kala shim ia ki lat ki lynti da kaba ia treilang bad ki dorbar shnong ban lah ban tehlakam ia ka jingsaphriang kane ka khlam.

Kane ka jingialang kaba la khot da u Shongknor ka iing dorbar thawain ka jylla ia ka sorkar bad ia ka liang pyrshah ka kdew shai kdar ha kaba ia dei na ka bynta ban iada ia ki paidbah baroh ki ia tylli lang kawei, la ong ba ka don ka jingkiew kiba test COVID-19 positive ha ka jylla hynrei ka sorkar ka lah ban teh lakam.

U Shongknor ka iing dorbar u bah Metbah Lyngdoh u la ong ba kane ka dei ka jingialang kaba lai sien kaba u la khot ban iakren halor kane ka khlam COVID-19 bad na ka jingialang kaba ka long mynta ka sngi kala paw shai ba ka sorkar kala shim ia baroh ki lat ki lynti kumno ban iada na kane ka khlam COVID-19.

U la ong hooid ka don ka jingkiew ha kine ki sngi hynrei ka dei na ki BSF bad kiwei ki dei kiba wan phai na kiwei ki jylla, u shongknor u la kyrpad iaki paidbah ban iatreilang bad ka sorkar ban ialeh pyrshah ia kane ka khlam COVID-19.

U bah Himalaya Shangpliang MLA na ka seng Congress u la ong ba na kane ka jingialang kaba ka long mynta ka sngi la sngewthuh ba ka sorkar kala shim ia baroh ki lat ki lynti ban ialeh pyrshah ia kane ka khlam COVID-19. Kum ki MLA kiba don ha ka liang pyrshah lyngba kine ki jingialang ki sngewthuh ia kaei kaba ka sorkar kala leh bad ki sngewhun ia kaei kaba ka sorkar kala shim ia ki lat ki lynti ba iada na kane ka khlam COVID-19.

Ha ka juh ka por kum ka liang pyrshah kala ai jingmut ha kane ka jingialang ba ka sorkar ka dei ban pyntip paidbah ia ki kyrteng jong ki briew ban dup lah ban ia da kham bha na ka jingsaphriang kane ka khlam COVID-19 bad lada kam long kumta ruh ka sorkar ka dei ban iathuh ia ka dong bad ka shnong.

Haba ia dei bad ki jingpule jong ki khynnah, mynta u snem ka long kaba eh ba kin ioh ban leit pule kum ka MBBS bad engineer namar hap ban leit sha bar ka jylla, halor kane ka sorkar ka dei ban peit ba ki briew jong ka jylla kim dei ban duh ia ki jingpule bad ka dei ban don ka jingpynshai paidbah lyngba ki dorbar shnong khnang ba ki paidbah kin sngewthuh.

Ha kane ka sngi ladon ruh ki myntri sorkar bad ki MLA ryngkat ki ophisar kiba la ia don lang ha kane ka jingialang bad ia ka jingbatai la leh da u Chief secretary jong ka jylla u MS Rao ia kaei kaba ka sorkar ka la shim ia ki lat ki lynti ban iada na kane ka khlam COVID-19.

What Next?

Recent Articles

One Response to "Ka sorkar kan  shim baroh ki lat ki lynti ban iada ia ki paidbah na ka jingpang COVID-19: Conrad"

  1. P. B. M. Basaiawmoit says:

    1. Sngewbha pyrkhing bha ia ka iaid ka ieng ki BSF namar kiew kynsan kynsan ka jingdon COVID-19 positive ha ka Jylla dei na ki BSF. Ym dei ban pyllait pynkhein curfew ia ki bad ki dei ban Deng mask, ban pynjngai ialade na kiwei kumba la buh kyndon ia baroh haba ki leit siew leit tda sha dukan shnong ha Mawpat, Umpling bad Nongmensong. Dei ban knot jingialang ai jingpynshai ia u DIG bad ki Commandant jong ki.
    2. La ioh biang ne-em ia kita ki 6 ngut kiba nah kyrteng na ka 41 ngut ?
    3. Pynkhlain ka pahara ki khappud ha Mawlaisnai bad Sabuda, Umsaliang, Khanduli khnang ba kiba na Assam, kin ym wan rung wan mih katba mon kumba lah wan 4 ngut ki pulit Assam sha Bhoi rymbong ban thied jingthied Da kaba rung lyngba Sabuda bad Mawlaisnai.
    4. Ki nongpynbna khubor Sorkar halor kane ka khlam, Kim dei ban shu ai nongpynbna tang nawei ne at ki jaka ha Kano kano ka shnong bad iaid Beit noh ha ki Kali saw shaka. Dang ioh sngap ruh ym pat ioh, lah kut, lah leit. Ka long tang ka jingpyndep rukom.
    5. Ki doktor ki nos ha ki CHC, ki PHC, Urban Health Centre, ki kitkhia ne-em ia ka kam khamtam ha kaba iadei bad kiba donkam quarantine ban check testing ia ki shwa ba kin mih na ki Quarantine Centre ha ki shnong ki shnong ne ki shu shaniah ha ki ASHA worker ban leit Sam kot lyngkdop sha ki iing ki iing ? Donkam ka jing monitor.
    Sngewbha shimkhia ia kine ki jingai jingmut haba phi khlei ba phi shimkhia ia ka jingialeh pyrshah ia kane ka khlam Corona.
    Khublei shibun
    P. B. M. Basaiawmoit
    Sngewbha pyntrei Kam ia kine haneng Lada ka dei shisha ka jingshim khia ka Sorkar.

Leave a Reply

Submit Comment

*

Where to buy Vidalista Professional 20 Mg (Tadalafil) tablet