Ong u MR: Ka sorkar ka sngewkhia jur halor ki kam thombor ia ki kynthei khynnah

Shillong, Nailar 15: U myntri rangbah ka jylla u Dr Mukul Sangma mynta ka sngi u la ong ba ka sorkar ka sngewkhia jur halor ki kam thombor ia ki kynthei khynnah, bad ka sorkar kala shim ia ki lad ki lynti baroh ban ia khun pyrshah ia kane.

Ban ia khun pyrshah ia kine ki kam thombor ia ki kynthei khynnah ka sorkar kala buh ia ki police station kyrpang tang ia ki kynthei ha ki hynniew tylli ki Ditrict na ki khatwei tylli ki District ha ka jylla bad ia ki saw tylli kiba dang sah ka sorkar ka dang pyrkhat mynta ban buh ha kine ki District kiba dang sah ruh.

Ia kine kam sniew pyrshah ia ki kynthei la thohkit da ki police ophisar kiba dei ki kynthei, ha ka juh ka por la ai jinghikai ruh ia ki kumno ban leh ha kaba ia dei bad ki kam thombor  ia ki kynthei, labuh ruh ia ka telephone line ban iarap kaba trei kam 24×7 ia kaba la buh da ka tnad  Directorate jong ka Social Welfare.

Ban pynjap ia ki pulit sha ki paidbah ka sorkar kala thaw thymmai 18 tylli ki police station ha ka jylla baroh kawei. Na kitei ki police station phra tylli ki dei kiba la kyntiew kyrdan ka ki outpost sha ka police station katba shiphew tylli pat ki dei kiba thaw thymmai.

Ban pynjn shuh shuh ia ka jingtrei kam jong ka sorkar sha ki paidbah, ka sorkar ka la plie ruh saw tylli ki Civil Sub Division, ka Pynursla Civil Sub- Division ha  East Khasi Hills District, ka Chokpot Civil Sub-Division ha  South Garo Hills District, ka  Raksamgre Civil Sub-Divisionha  West Garo Hills District bad ka  Mawshynrut Civil Sub- Division ha West Khasi Hills District. La plie ruh ia ka Ranikor administrative Unit ha South West Khasi Hills District, shen ynsa plie ruh ia ka Rongjeng administrative Unit ha East Garo Hills district bad la plie ruh hynniew tylli ki block thymmai.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet