Phah ia ki puja committee ban shna da ki pung bret blei kyntu ka KSU ia u DC ka EJH District

Shillong, Risaw 09:  Ka Khasi StKSU Jiantia Hills Unitudents’ Union Jaiñtia Hills District Unit hapoh ka jingialam u samla Benison Kamar,Vice President bad Bah Kwilnis  Suchiang,  Secretary Environment  bad  Cultural Cell ha ryngkat ka jingiadon lang ki dkhot na ka KSU Lumshnong Unit  ki la leit ban ia kynduh ia u DC jong ka East Jiantia Hills District  halor ka jingjaboh ka wah Lukha na ka jingleh niam ki riew ngeit hindu da kaba bret ia ki bleithaw ha wah Lukha .

Ki nongialam ka Seng  ki pynpaw ia ka jingpyrshah halor ka jingthmu ban iai bret bleithaw ha Wah Lukha da ki Puja Committee bapher bapher kaba lah ban pynsniew ia ki jingthung  bad ki doh um ha kane ka wah. Na ka liang jong ka KSU kala kyntu ia u DC ba dei ban bethah ia ki Puja Committee ba kin shna ia ki pung bret blei.

“Ha man kum kine ki jingnohblei, ki don ki jinghylla bad jingshoh ksing kaba pynthud shikatdei eh ia ki mrad bad ki sim ki doh ba don hapoh ka Narpuh Wildlife Sanctuary. Ka  jingja khkhlia kane ka wah ka ktah ia ki shnong ba don ha shilynter ka wah bad ruh ia ki nongkhwai dohkha” .

Ka KSU  kam don ka jingpyrshah ia ka jingrakhe ne jingleh niam jong no jong no namar kano kano ka jaidbynriew ka donhok ban shakri ia kano kano ka niam katba ki sngewbit, hynrei ka jingrakhe ne jingleh niam kam dei pat ban wanrah da kaba pynjaboh ia ki tyllong um ne ki wah ki duid.

Ka wah Lukha ka dei ka wah kyntang u barim ba jah, ka dei ka nongkynti  jong kito ki thaiñ ia kaba ym lah ban kam trai da kano kano ka niam ne riew shimetKa seng ka la ai jingmut ia u DC ban bthah ia ki puja committee ban shna kyrpang ia ka jaka kyntang na ka bynta ka jingleh niam puja kum sha kiwei kiwei ki jaka khnang ban ym ktah ia ka mariang ne ki wah’, ”, La kren u samla Kwilnis Suchiang, Secretary Enivronment bad Cultural Cell .

Ha kane ka jingiakynduh bad u DC ki nongialam jong ka seng KSU kila pynsngew “Lada ha sha kiwei ki jylla ri thor, ki dang ia shna da ka pung ban pynngam blei ha ka jingialeh niam jong ki, balei ym lah hangne? Ngi sngew burom ia ka mariang bad ki lum ki wah bad ngim kwah ban iohi ba ka wah Lukha kan kylla kum ka wah umkhrah ne umshyrpi ba don ha shillong”.

Ha ka juh ka por, ngi sngew lyngngoh ba kumno u DC ka East Jaintia u ai jingbit ba kin bret blei thaw hangto khamtam haba ka don ka jingktah ia ki um ki wah. Ka seng ka pyrshah  jingpyrshah ia kino kino ki rukom kiba buh ia ka wah ka jingma. Ka KSU ka kyrmen ba lyngba kane ka jingiakynduh, u DC un sa pyntip ia ki Puja committee ba kin ia shna da ki Pung ban bret blei thaw kumba la sdang ban leh sha kiwei ki jaka’, la pynpaw shuh I Ma K Suchiang .

Lah ban pynkynmaw hangne ba na ka liang ka 6 – shnong lukha Association ka don ka jingthmu ban iaid shaphrang ban wanrah biang ka jingkhuid jingitynnad jong ka wah lukha bad kumjuh ka Sonapyrdi Tourism & Economic Development Society ka don jingthmu ban pynlong ia ka wah lukha kum ka jaka jngoh kai pyrthei (Tourist sports) ban wanrah ki lad kamai jakpoh na ka jinghiran ka kyrduh kam.

Lada ailad iano iano ban leh katba mon ka ktah ruh ia ka tnat pynneh mrad Narpuh Wildlife Sanctuary  kaba don mar syndah bad katei ka jaka ba juh pyndonkam ha kaba leh niam puja.  Ha katei ka jingia kynduh, na ka liang u DC u la pyntip ba ka ophis jong u ka la dep shong jingialang bad kito ki rangbah shnong jong kito ki thaiñ lem bad ki puja committee halor kane ka kam. U la ong ba na ka liang kitei ki rangbah shnong kim shym la pynpaw ka jingpyrshah ne ujor eiei halor katei ka kam. Ka KSU kala kyntu ia u DC ba un ai jingtip sha ki Puja Committee ba kin shim khia ia kane.

Ha kane ka jingiakynduh na kaliang jong u DC u la kular ia ki dkhot ka KSU ba yn sa pyntip sha ka tnat Pollution Board ban shim jingtohkit ban bishar. Hynrei na ka liang jong seng ka kyntu ia u DC ban shimkhia ia katei ka kam khnang ban lah ban pynneh ia ka jingitynnad ka wah lukha khamtam haba ha Wah Myntdu, dang khyndiat snem, ki la khang ia ka jingbret blei thaw.

Ha kajuh ka por ka seng ka buh ka jingujor ha u DC halor ka jingbym lah ka NHAI ban shna ia ki lynti iaid kjat ha baroh ar liang u surok, namar ka jingbymdon ki lynti iaid kjat ka wanrah ka jingma ba khraw ia kiba iaid ba ïeng khamtam hapoh shnong pohthaw, sha ki thaiń narpuh ym pat don lynti iaid kjat tang kawei ruh.

Ha ka jingiadei pat ka Toll Gate ka ban sa plie shen ha Lumshnong, ka seng ka la pan jingpynshai na u DC ha ka jingiadei bad ka jingkhrong khajna ia kito ki kali shimet ne ia ki kali kamai kiba don sha kito ki thaiñ.  Ia  kitei ki ar bynta ka jingbympat don ki lynti iaid kjat bad ka jingsiew khajna ha toll gate, utei u khlieh ka district u la ong ba ia katei ka kam hap ban ai jingthoh sha ka NHAI .

What Next?

Recent Articles

Leave a Reply

Submit Comment

*