Plie u Zenith ia ka ophis jong ka Damalgre C&RD block hapoh SWG District

Plie u Zenith ia ka ophis jong ka Block ReraparaTura, Nohprah 07: U myntri ki kam ialehkai jong ka sorkar jylla u Zenith M Sangma u la plie mynta ka sngi ia ka iing ban pynlong ia ka ophis jong ka Damalgre Block ha Rerpara kaba hap hapoh jong ka South West Garo Hills District kane ka block kan peit iaki 149 tylli ki shnong. Ha kane ka juh ka sngi u la buh ruh ia u Mawnongrim ban shan ia ka jingkieng iaid kjat ha ka wah Ganol.

Ia kaneka ophis jong ka block la shna ha ka jaka kaba la ai sngewbha da ki Nokma ha ka jingheh kaba 10.71 hektar bad ia ka ophis la dep ban tei ha ka jinglut kaba T.2.70 klur. Ka jingtei ia kane ka ophis ym pat pyndep lut hynrei la plie ia ka na ka bynta ban pynrei kam noh ia ki kam jong ka Block na kane ka ophis thymmai. Ia ka jingtei baroh yn sa lah ban pyndeplut hapoh jong ki san bnai ban wan.

Haka jingkren jong u myntri kam ialehkai ha kane ka sngi u la ai ka burom ia ki paidbah katei ka thain kiba la dawa la slem ban ioh ia kane ka block bad mynta ka jingdawa ka jong ki kala urlong bad ia ka ophis ba pura jong ka Block ruh la tei ha ka rukom kaba dei bad mynta kin sa rah lut noh ia baroh ki jingtrei kam ha kane ka ophis kaba thymmai.

Na ka liang jong u myntri u la ong ha kba sdang kan don ka jingthut hangne hangtai namar dang hap ban rah ia ki kot ki sla sha kane ka jaka trei kam kaba thymmai, bad kum juh ia ki shnong kiba hap hapoh kane ka block kaba thymmai, kum ki shnong kiba hap hapoh jong ka Selsella, Gambegre, Betasing bad Rongram Blcok. Haba ia dei bad kane na ka liang jong u myntri u la kyntu ia ki paidbah ba kin iaishah khyndait bad ka sorkar.

Haba ia dei bad ka jingkieng iaid kjat halor jong ka wah Ganol kaba dei ha Anggalgre ka dei kaba ki paidbah la slem kila dawa bad mynta kala urlong, ia kane ka jingkieng yn tei ha ka jinglut kaba T.82 lak. Ia kane ka jingkieng yn shna ha kata ka rukom ba ki kali rit ki lah ban iaid. Na ka liang jong u myntri u la kyntu ia ki paidbah ba kin long kiba kloi ban ai jaka na ka bynta ban pyndon kam ha ki kam pynroi.

Kiba la ia don lang ha kane ka sngi ki long u DC jong ka SWGH District u Bah CVD Diengdoh, u Divendra Hajong Additional CE jong ka tnad shan surok, u Nokma ka Rerapara u K Ch Sangma, u Chairman jong ka GHAC u S M Sangmabad bun kiwei ki heh sorkar kila ia don lang ban sakhi ia kane ka sngi sah kynmaw.

What Next?

Recent Articles

Leave a Reply

Submit Comment
*