Shillong, Lber 09: U Myntri Rangbah ka jylla u Conrad K Sangma haba jubab ia ka jingkylli bynrap jong u bah Syntar Klas Sunn MLA haba ia dei bad ka jingbym shah ka sorkar ban shet kyiad pyrsi, u myntri rangbah ka jylla u la ong ba ka daw ka dei ba ka jylla Meghalaya ka duna ka jingpynmih khaw.
Kumba la ioh ia ka jingkhien na ka tnad rep ka long ba ka jylla Meghalaya ka don ka jingduna khaw da shilak metrik tone ha ka shisnem, halor ka jingai jingmut jong u MLA na ka liang jong u myntri rangbah u la ong ba ka sorkar kan sa bishar.
U Myntri ba dei peit ia ka tnad Excise u bah Kyrmen Shylla haba jubab ia ki jingylli u la iathuh hapoh ka iing dorbar ba ki dor khajna ia ka kyiad IMFL ka don la ka jong ka jong ka dor katkum ka kyiad.
Ka khajna kaba la ioh lum ia ka khajna na ka Excise Duty ka long ha u snem 2017-2018 ka long T. 199.30 klur, 2018-2019 ka long T.226.21 klur, snem 2019-2020 ka long T.276.27 klur bad u snem 2020-2021 haduh u bnai kyllalyngkot ka long T.268.79 klur.
Katba ka jingioh lum ia ka khajna na ka VAT, ka long ha u snem 2017-2018 ka long T.180 klur, 2018-2019 ka long T.160 klur, 2019-2020 ka long T.204.31 klur bad 2020-2021 ka long T.140 klur haduh u bnai kyllalyngkot 2021.
