Shillong, Iaiong 24: Mynta ka sngi ki pulit kila rah ia ki ar ngut kiba la kem halor ka jingshah pharep ba kila don kti ha ki kam pyniap briew, ia u samla Cleanstar Sahbong 27 snem ba la kem na nongthymmai la pharep ba u don kti ka jingpyniaid briew ha Ichamati.
Ki pulit kila pharep ba u la don kti ha kaba pyniap ia u Sobir Dutta ha Ichamati bad ia ka ejahar la register hapoh jong ka Shella P.S. Case No. 09(04)2024 u/s 302/34 IPC, ia u la kem na Pohktieh, Lane-5, Shillong ia kaba la kem ha ka 23/4/2024.
Ka iing bishar kala aibor ia ki pulit ban buh bad ki hynniew sngi ban tohkit, ki pulit kila kynnoh ba u don ruh sa 10 tylli kiwei ki mukot duma pyrshah ia u bad ka jingkem ia u ka long ban tohkit bd kiwei kikam runar pyrshah ia u.
Haba ia dei bad ka Mawlai P.S. Case No. 38(04)2024 w/s 302/323/324/34 IPC, ha kaba u Arjun Ray u la shah pyniap ha Mawroh ki pulit kila kem ia u Gary Rinaldy Mawlieh 25 snem ha kaba kila pharep ba u la don kti ha katei ka jingpyniap briew ia u la kem ha ka 23/Iaiong/ 2024.
Ia u ruh la rah mynta ka sngi sha iing bishar bad na ka liang jong ka iing bisahr kala ai por 12 sngi ia u pulit ba kin bat ha kti jong ki ban tohkit bad kila kynnoh shuh shuh ba u la don s alai tylli kiwei ki kam runar.
Na ka liang jong ki pulit ka jingtohkit ka dang iaid ban ioh kem sa ia kiwei kiba don kti, kane ka long katkum ka kyrwoh kaba la phah da u Pankaj Kumar Rasgania, IPS Superintendent of Police (City) East Khasi Hills, Shillong.
