Shillong, Naiwieng 10: U myntri rangbah ka jylla Meghalaya u Dr Mukul Sangma u la ong b aka sorkar pdeng kala pynduna ia ka pisa kaba dei ka bhah jong ka jylla Meghalaya na ka bynta jong u Naiwieng u ba dei mynta u bnai kane ka jingpynduna kala kot sha ka T.116.45 klur tyngka.
U Dr Mukul u la ong ba ka bhah b aka jylla Meghalaya ka dei ban ioh na ka bynta jong u Naiwieng mynta ka long baroh T.262.06 klur, hynrei ka sorkar pdeng kala ai tang T.145.61 klur tyngka bad kane kala wanrah ia ka jingduna kaba la kot sha ka T.116.45 klur.
Ka jingpynlait pisa jong ka sorkar pdeng na ka bynta jong u ne u snem mang tyngka 2016-2017 kaba la sdang naduh u bnai Iaiong ka long ba ha u tei u bnai ka jylla ka dei ban ioh T.262.06 klur, ka sorkar pdeng kala ai T.262.03 klur bad ka jingduna ka long tang 0.03 klur.
Na ka bynta u bnai Jymmang haduh u bnai Risaw ka sorkar pdeng kala pynlait pisa ia ka jylla Meghalaya T. 262.06 klur tyngka. Ha kine ki bnai kam shym la pynduna wat tang khyndait ruh, hynrei mynta u Naiwieng pat kala pynduna sha ba palat la ong u myntri rangbah.
Haba ia nujor ia ka jingmang pisa da ka sorkar pdeng ia ka jylla Meghalaya ha kine ki san snem kiba la leit noh, kata jong u snem 2011-2012 kaba dei ha ka por jong ka sorkar Congress, ka jingmang pisa ka jylla ka long ka long T.1076.69 klur hynrei ka jylla kala ioh T.1044.19 klur ka jingduna ka long T.32.5 klur.
Naka bynta jong u snem mang tyngka 2012-2013, la mang ia ka jylla Meghalaya T.1238.19 klur, katba ka jylla kala ioh T.1192.45 klur bad ka jingduna kala kiew sha ka T.45.74 klur, na u snem mang tyngka 2013-2014 la mang ia ka jylla 1419.65 klur katba ka jingioh ka long 1302.0 klur bad ka jingduna ha ka jingioh ka long haduh T.117.69 klur.
Haba poi pat sha u snem mang tyngka jong u snem 2014-2015 ka jingmang pisa ka long T.1586.64 klur katba ka jylla kala ioh T. 1381.69 klur bad kane ka jingduna pisa kala kot sha ka T.204.95 klur. Ha u snem mang pisa 2015-2016 ka jingmang pisa na ka bynta ka jylla ka long T.3370.84 klur, ka jylla kala ioh pat T.3276.46 klur bad kajingduna ha ka jingioh ka long T.94.38 klur. (SP News Agency)
