Shillong, Lber 01: ka Meghalaya State Commission na ka bynta ki Kynthei da ka jingiatreilang bad ka ophis jong ka District Social Welfare Officer, North Garo Hills, Resubelpara kala pynlong ia ka jingai jinghikai iaki kmie ki kpa kumno ban ai jingiada ia ki khun kikti jong ki.
Ha kane ka sngi ka kong Theilin Phanbuh, Chairperson, Meghalaya State Commission for Women bad ka kong Iadalin Tariang, Rebina Subba bad ka Annie Sohtun ki dkhot jong ka commission kila ia shim bynta ha kane ka jinghikai.
Ia kane ka jinghikai la pynlong kum ka dak ban rakhe ia kataiew International Women’s Week ia kaba la sdang naduh ka 1th Lber bad kan kut haka 8 Lber 2018. Ha kane ka sngi ka Kong Phanbuh kala kyntu ia ki kmie ki kpa ba kin iada ia ki khun na ka jingshah thombor bad kala ong ba dei ban pyntip la da donka jingshah lehbor.
Ha kane ka sngi kila don ruh ki nongai jingkren kum na ka kynhun Faith Foundation bad ha kane ka sngi la hikai ruh ba kum kmie ki kpa ki don ka bynta kaba khraw ban iada ia ki khun bad la pyni ruh da ki jinghikai kumno ban iada ia ki khun na ka jingshah thombor.
