Shillong Nailar 21: Ka seng Pioneer Adventure Tours ha ryngkat bad ki doctor na NEIGRIHMS kila pynlong ia ka jinghikai kaba ar sngi lynter mynta u bnai ha kaba ia dei bad ka Basic Life Support(BLS) hapoh Shnongpdeng, Dawki ha kaba bun ngut ki paidbah kila ioh jingbatai kyrpang halor kane ka bynta.
Kane ka jinghikai ka long ha ka 13 bad 14 tarik jong mynta u bnai ha kaba palat ia ka 80 ngut ki paidbah kila wan ban ioh jinghikai na ki 15 ngut ki Doctor napoh NEIGRIHMS hapoh ka jingialam u Director u. P. Bhattacharyya kila ai jinghikai kyrpang ia ki nongshong shnong kumno ban ai jingsumar kyrkieh ia ki briew kiba mynsaw ban iada iaki na ka jingiap.
Ka jingthmu jong kane ka prokram ka long ban pynsaphriang ia ki jingnang jingtip sha ki paidbah shaphang ka CPR kaba dei ka lad kaba biang tam ban leh haba u klongsnam u sangeh tied kynsan, haba ki ngam jyllop, sha bat ha ka bording elektrik, ioh bih ne mynsaw jur.
Nalor kane la ai jingbatai ruh kumno ban ai jingsumar mardor ia kiba mynsaw jur khnang ba kin nym iap bad ban pynkit noh ia ki mardor sha hospital na ka bynta ban ioh iaka jingsumar kaba paka.
