Shillong, Naiwieng 20: Ka kynhun shipai BSF ha ka sngi saitjian kala pynlong ia ka jingai jinghikai iaki briew kiba don ha kane ka kynhun shipai bad ia kiba ha ing ba kumno banleh ban iada na ka jingpang shini, ia kane la leh da ka jingiatreilang bad ka NEIGRIHMS ha ka sngi sdang ia kane ka kynhun shipai.
Ka Dr Ibandalin, MD jong katei ka hospital kala ai ia ka jingkren halor ka jingpang shini bad kiei ki dang ki shin kiba la lah ban kdew ba u ne ka briew ki don ia kane ka jingpang bad kumno ban shim pat ia ki lad jingsumar. Ha kane ka jingialang la batai bniah kumno ban leh ban ioh jingkoit na kane ka jingpang.
Ia kane ka jinghikai ha kaba ia dei bad ka koit ka khiah la plié da u P K Dubey, inspector General, Meghalaya Frontier, ha kaba la ia shim bynta da ki spah ngut ki shipai BSF bad kiba ha iing jong ki bad ha kane ka sngi kala don ruh ka jingai snam ha kaba u IG u la ong u ba nyngkong ban ai snam.
Ha kane ka sngi ki shipai BSF kiba la aim on sngewbha ia ka snam ka jong ki ki don ha duh 125 ngut sha ka hospital NEIGHRIMS, kane ka jingai ia kane ka snam ka long ba kane ka hospital kana i sha kito ki long iing kiba duk ba raitoi kiba don kam ia ka snam.
