Jowai, Rymphang 26: Ka AJYWO Central Body ha u kyrwoh ba la pyllait da u Bah M.H Dkhar, President ka seng, ka seng ka la ong ba hoid ymlah ban len ba ka jingtreishitom jong ki pulit ka Jaiñtia Hills na duh kiba dei peit ia ka Crime, ka Law and Order bad haduhka Traffic kala iarap shisha shikatdei eh ia u paidbah ha kiba bun ki bynta ha ka imlang ka sahlang bad ba ia kiba kumkine ki shakri paidbah ka sorkar kadei ban ithuhkyrpang ia ki khnang ban nangai mynsiem ia ki bad ia kiwei ruh ban nangiai treishitom shuh shuh ha ka ban ai jingshakri ia ka imlang ka sahlang”.
U Bah M.H Dkhar u laong, “Ka jingtrei shitom jong ki pulit ha la ki jong ki jong ki kamram ba la bynshet ia ki ka da ai shisha ia kajingkyrkhu ia u paidbahjongka thaiñ”. Don na pdeng ki katto katne ki pulit kiba da treishitom shisha met bad mynsiem na ka bynta ka jingmyntoi jong u paidbah, ia kibaka seng ka sngew dei ban kyntu ia kasorkar baka dei ban ithuh kyrpangia kiba kumkita, lehse da kaba kaba pynkup burom bad ai buskit ia ki lane leh da kino kino ki lad jingithuh ba kyrpangia ki,khnang ban nang ai mynsiem shuh shuh iaki ban kin nang iaitrei shitom shuh shuh na ka bynta ka jingmyntoi jong ka imlang ka sahlang”.
“Kum ka nuksa,ka seng kam lah khlem da pynpaw kyrteng ia iwei na kiba kum kita, kata, ia ka Kong Betty Mary Suchiangi ba lahtrei shitom shisha da ki phew snem ha ka lain traffic ha Jaintia Hills. Ka jingtrei shitom jong ka Kong Suchiang ka dawan rah shisha ia ka jingkyrkhu kabakhraw ia u paidbah ha ka liang jong ka jingiaid beitkaleitka wan ha ki surok. Nalor ka kong Suchiang,ki dang don shuh shuh kiwei pat ki pulitha ki tnad bad ki kyrdan pa pher ba pher kiba da trei shisha met bad mynsiem ha la ki kamram bala bynshet ia ki, ia kiba ka sorkar kalah dei ban ithuh kyrpang lehse lyng baka Police Department khnang ba kin ioh mynsiem shuh shuh ban ai ia ka jingshakri ia u paidbah bad ruh khnang ba kan long ka nuksa ia kiwei pat ban bud ia ki dienjat jong ki” la bynrap shuh shuh U Bah Dkhar.
“Ha ka jingiadei bad ka jingjyllei ki kamsniew ha Jaintia Hills, khamtam ka jingthombor ia ki kynthei khynnah bad shim wat ia ka jingim ba luilui jong ki da ki katto katne ki runar thrang snam, na ka liang jong ka seng ka jingiaroh ia ki pulit jong ka Jaiñtia Hills halor ka jingtrei shitom jong ki ban thwet bad kem ia kito baroh kiba la suba ba don kti ha kiba kum kine ki kam pyntriem ha ka imlang ka sahlang” ong biang u Bah Dkhar.
“Ha ka jingiadei bad ka jingshah pyniap dusmon jong ki ar ngut ki kynthei ha East Jaintia Jaintia Hills, ka Fatima Dkhar, ha Jalyiah bad ka wei pat ba la shu bret ha NH -44 Dkhiah East, ka seng ka pynrem jur haduh katta katta ia ki riewsniew kiba la shim ia ka jingim ba kor dor jong kitei ki ar ngut bapli. Ka seng ka kyntu jurruh ia ki pulit ka East Jaintia Hills ban thwet jur bad kem sa ia kito ki runar kiba don kti ha ka ban pyniapdusmon bad bret ia katei ka samla ha NH-44 bad ban pynngat ha ia ki ha ki kyndon ba pyrkhingbha” pynkut u Bah Dkhar.
