Shillong, Jymmang 04: Ka FKJGP Seng Kmie kum shibynta ban pynpaw ka jingïatylli bad ka jingangnud jong ka Jaidbynriew Hynñiewtrep ïa ka jingthrang ban pynurlong ïa ka jingdawa ban pynrung ïa ka ktien Khasi ha ka Eight Scheduled ka Seng ka ai ka jingkyrshan ba pura ïa ka thmu jong ka Khasi Author Society (KAS) ban ïaid pyneh rngiew ïa ka ktien Khasi ka ban long lashai ka sngi 5 tarik Jymmang 2017 kaban sdang na Ingdorbar Jaïaw Shyiap, Shillong ha ka por 11.30 baje mynstep shaduh madan Student Jaïaw.
Kumta ka Seng ka kyntu ia baroh ki Nongialam bad Nongkitkam jong ki Unit bad ki Circle bapher bapher ba kin ia poi ryntih ha Ingdorbar Jaïaw Shyiap ha ka por 11:30 mynstep, ha kajuh ka por ka seng ka wer bad ka kyntu ruh ia baroh ki ki paradoh ki para snam jong ka Bri u Hynñiewtrep ba kin wan ban iashim bynta lang ha katei ka sngi kaba kyrpang bad ka sngi ka ban sah jing kynmaw ha ka History jong ka Jaitbynriew hi baroh kawei khnang ba ka Pyrthei kan iohi shai kdar ia ka jingiatylli bad ka jingangnud ban pynurlong ia ka Mat kaba kongsan tam jong ka Jaitbynriew namar ba kum ka Seng ka don ka jing ngeit kaba Skhem ia ka kyntien shongsbai kaba ong: “Haba Im ka Ktien, Im ka Jaitbynriew”.
