Shillong, Nailar 25: Ka Khasi Student’ Union(KSU) Upper shillong circle ka ai jingkyrshan ba pura iaka Dorbar bah ka ban pynlong da ka Synjuk ki Nong Synshar Shnong Upper Shillong ha ka 26/8/2017 haka por 11baje mynstep ha madan Umlyngka haka ba iadei bad ka jing wan kyntur pud ka jong ka MUDA shaki tei Ki thaiñ upper shillong.
Kine ki kynthup ia ki shnong kum ka Lawsohtun, Lummawbah, Nongkseh, Umlyngka, Nongumlong, Lumpdeng, Sawmer, Sanmer, Mawklot, Myrkhan Laitmynsaw , bad Nongpiur. Ka Seng ka pynrem jur iaka jing kyntur pud ka MUDA kaban ktah iaka iap ka Im u kup shiliang u sem shiliang bad shibynta ka long kumba knieh noh iaka hok jong u paidbah kane ka thain.
Ha kajuh ka por ka Seng ka pynrem jur ruh iaki nong mihkhmat ka thaiñ ba ki long kiba kyllut bad matlah namar ba kim nud ban ang ia kane ka jing wan ka MUDA, na ka liang ka Seng ka kyrpad ruh ia ki paidbah nongshong shnong ka thaiñ ban ia mih ryntih ha Ka tei ka sngi khnang ba ka jingdawa ka Synjuk ki nongsynshar shnong kan long ka ba jop.
