Jowai, Iaiong 15: Ka Jaintia student Movement – Central Body ka la ai ka jing kyrshan ba pura ia ka jingpakhang shnong ba la khot da ki 5 seng bhalang haka 16 tarik haduh ka step 17 tarik, kynthup iaka AJYWO Sengkmie, KSU-JHDU, HNYF-East Jaintia Hills Zone, FKJGP Khliehriat Circle bad ka SRS-East Jaintia Hills ha ka jing ia dei ba ka sorkar ka la ieh bein sha ba palat ia u surok bah NH 44 ha poh Jaintia Hills.
Hooid ha ka jingshisha ka jingia khih ki ne ki san seng da kaba pakhang shnong ka long kaba ktah ha duh kata kata ia ka leit ka wan ka kha ii ka pateng jong ki paidbah hapoh kane ka 24 kynta, hynrei ngi kum ki nongialam seng bhalang ngim lah ban iaid lait khlem da shim ia ki lad jingiakhih na bynta ban pynpei shkor ia ka sorkar Matlah, kham tam ha kum kane ka bynta, namar u sorok bah NH44 naduh Soomer West Jaintia Hills haduh Malidor East Jaintia Hills ka la sniew ha duh kata kata,ba ka sorkar ka la leh klet shisha da ki snem ki snem haduh mynta khlem maramot shuh.
Ha ka jingiadei bad kane ka jing pakhang shnong jong ki ne ki san seng ngi na ka JSM ngi kyntu ruh ia ki paitbah ban iatrei lang da ka ba phi sngebha ban iai shah ym ba phin khnium namar kane kam dei ka kam shimet ne ka jingmyntoi jong no re, hynrei ngi kum ki nongshong shnong jong kane ka thain ngi don kam ia u surok ba bha, khnang ba ngin suk ha kiliang baroh.(SP News)
