Shillong, Rymphang 27: Ka Synjuk Seng samla upper Shillong circle man ka por ki ju pynpaw ba ki don kajuh hi ka thong ban trei bad peit iaka bha ka miat ka Imlang sahlang hapoh Shnong poh thaw bad ki ju pynpaw ba kum ka Synjuk Seng Samla Shnong Upper Shillong ki ju ialeh ban beh iaki briew ba nabar jylla bad ki khang ruh iaki jingwanrung beaiñ ki bar jylla hapoh Shnong poh thaw kiba hap hapoh ka Thaiñ Upper Shillong.
Kumta ka Synjuk ka la Maham iaki Contractor ruh ba Kim dei ban wanrah ia ki nongtrei ba nabar ki bym biang ki kot donkam jong ki nongbylla ,Lada ki wan rah iaki, kin hap ban bah khlieh hi lada jia eiei iaki ne lada kin leh eiei kiba long pyrshah iaka Imlang sahlang hapoh shnong.
Namar kata ki ladei ban biang shuwa ki kot ki sla kiba donkam shuwa ban rung hapoh shnong khnang ba kin lait naki jinghuri hura, bad la maham ruh iaki trai Ïng kiba ai Wai ïng ba kim dei ban aiwai klumar iaki briew kiba na bar bad khamtam kito ki bym don ki kot ki sla ki ba biang ban pynshisha baki dei ki nong India namar ka Seng ka la iohi na kawei ka por sha kawei ka por ki ju jia beit ia ki trai ri ban shah shoh ne shah pynmynsaw man ka por.
Wat ha kine ki sngi ngi shem ba ki bar jylla ki la nud ban pom daki tiar pynmynsaw iaki Jaitbynriew, wat ban lute bad knieh lut iaki pisa. kumta ka seng ka pyrshah ruh ia kito ki barjylla kiba wan tyrwa tiar ha Shnong ha thaw ba kim dei ba kin wan rung hapoh shnong khlem da ioh jingbit na ki Nongpyniaid Shnong bad kumjuh na ki Seng Samla Shnong Lada ki wan ruh ki dei ban da pan jingbit shuwa.
Kidei ban pynbiang lut ki kot ki sla ki biang kum ka Labour Licence , Trading licence, Work permit bad kiwei kiwei ki kot ban pynshisha ialade ruh; Namar kata ka Synjuk ka Maham lupa ioh lehse kan poi kapor ba ioh jia kaei kaei kaba sngewsih iaki briew hapoh ki shnong ki thaw.
Ka Seng kumba ju kyrshan naka por Sha ka por ia ki Sengbhalang bapher bapher kiba iakhih bad dawa pyntreikam iaka ILP haka jylla ki ruh na Synjuk Seng samla shnong upper Shillong ka ieng ban kyrshan beit ha man la ki jingiakhih Jong ki Sengbhalang naka bynta ka mat Jong ka Jaitbynriew, kane ka long katkum ka kyrwoh kaba la phah da u bah Donbok Thabah publicity Secretary SSSS Upper Shillong Circle.
