Shillong, Jylliew 17: ka Single Window Agency kaba la shong mynta ka sngi kala ai ia ka jingmynjur ia ki 15 tylli ki karkhana ban seng ha kane ka jylla Meghalaya bad kiba bun eh dei hapoh jong ka Ri Bhoi District la ong u myntri rangbah ka jylla u ba bat ruh ia ka tand Commerce bad Industry jong ka sorkar jylla.
La ong ba na ki 15 tylli ki karkhana kiba la ai ka jingmynjur mynta ka sngi, phra tylli ki don ha Ri Bhoi, ka West Garo Hills bad ka West Jiantia hill ki long mar kawei bad ka East Khasi Hills ka don lai tylli bad ka East Jaintia Hills ka long ar tylli. Katba ha kiwei District jong ka jylla ym don.
Na kine ki 15 tylli, 13 tylli lai aijingmynjur mynta ka sngi bad ar tylli ki dang hap ban ai shuh shuh ia ka jingpynshai ka jong ki ha kaba ia dei bad ki kam kaba kin pyntrei ha kaken ka jylla, namar ka sorkar ka hap ban peit ba ioh ka ktah ia ki trai jylla da ka jingdon jong kine ki karkhana.
Na kine ki karkhana kiba la ai jingmyjur ka Single Window mynta ka sngi ki dei ki karkhana kiba ia dei bad ki kam mar rep bad kiba ia dei bad ka rukom song ia ki mar ha dien ba la dep ban shna ha ki karkhana. Na ka liang jong ka sorkar ka kwah ban pynshlur ia ki trai jylla ba kin wan sha khmat ha kum kine ki jaid kam ban seng karkhana.
U myntri rangbah u la ong ba la bthah ia ka Commerce bad Industry Department bad ia ka MIDC ba kan shna ia ki project kiba ki briew jong ka jylla ki lah ban seng ia ki karkhana, la bthah ruh ban wanrah ia ki jingkylla ha kaba ia dei bad ka rukom bei pisa sha ki nongseng karkhana. Ka sorkar kan pynlong ruh ia ka jingialang kaba kyrpang ia ki trai jylla kiba kwah ban seng karkhana.
Haba ia dei bad ki bynta jong ka Garo Hills, u la ong ba kaba don kam dei ka bor ding eletrik ka ba biang, kumba ka long mynta la lah ban pyndep iaka jingring bor ding eletrik na Agia kaba 132 KV bad u don ka jingkymren ba ka Garo Hills ruh kan sa ia beh lem kumba long kiwei ki bynta ha ki kam karkhana.
