Shillong, Rymphang 13: U President ka party People Democratic Front (PDF) bah Banteidor Lyngdoh ba dei mytnri ha ka sorkar la ong ba u da sngew kmen eh ia kane ka jingiakren ia suk bad ka seng HNLC namar na ka liang jong ka party ka kwah ban iohi ban don ia ka jingsuk hapoh ka jylla.
Haba kren ha ki lat pathai khubor ha Khasi National Dorbar Halls ha dien ba la dep ban jied ia ki nongkit kam ba thymmai ka seng samla jong ka party, bah Banteidor la ong ba ki ngiet skhem ba kane ka jingiakren ia suk mynta ka kynti kan long kaba job ym ba kan kutnoh tang ha ki kotkhubor.
Ban pynkynmaw ba ka jingturwa ia kren ia suk ka seng HNLC ka dei kaba la slem bha hynrei namar ki kyndon kiba kala buh ka jignakren ia suk kam shym la poi sha ka jingthmu bad kala sah teng bad ka khlem poi sha ka jingiakren ia suk.
Hynrei ha kine ki khyndiat sngi kiba la dep ka HNLC kala pynbna lyngba ki kot khubor ba ka kwah ban ia kren ia suk khlem da buh ia kano kano ka kyndon bad ka sorkar ruh kala pdiang ia ka jigntyrwa halor ka kyndon ba ka seng kan phah da ka shithi sha ka sorkar halor kane ka jingkwah ia kren ia suk.
Halor kane ka jingkwah ka sorkar ba ka seng HNLC kan phah da ka shithi ban pyniaid sha khmat ia kane ka jingiakren ia suk ka seng kala phah bad ia kane na ka liang jong u mytnri kam poh iing ka jylla u bah Lahkmen Rymbui u la kubor ba ka sorkar kala ioh pdiang ia ka shithi na ka seng HNLC.
