Jowai, Nailur 25: Ka Jaintia Students’ Union (JSU) Mukhap Unit haka jingpyllait khubor mynta ka sngi kapynpaw iaka jingsngewnguh kaba khraw ia U myntri ba dei peit iaka MeECL U Bah C Ymbon bad kumjuh ia CEO jong ka MeECL Jaintia Hills bad ruh ia ka Ophis hi baroh kawei naduh u SDO bad kiwei kiwei kiba la shimkhia ia ka jingud jingnam bad ka jingjynjar jong ki paidbah jong ka Dong Thymme hapoh ka shnong Mukhap, ha kaba ki la leit ban pyndait da u transformer ba thymmai hapoh kane ka dong.
Kum ban shu pynkynmaw, kane ka dong Thyme jongka Shnong Mukhap, ha u ne u bnai bala dep kala ia kynduh iaka jingeh kaba khraw khamtam iaki khynnah Skul kiba don haka jingpule namar ka jingduh noh u Transformer bad sah haka jingdum da ki bun bun sngi.
Halor kane ka jingeh na ka liang ki Nongialam Shnong naduh U Rangbah Shnong, bad kiwei kiwei ha ryngkat bad ki member jongka JSU Mukhap Unit, ki la leit ban pynsngew ia kane ka jingeh ha ki heh jong kane ka Ophis (MeECL ) Jaintia Hills Division Jowai, bad kumjuh ia u Minister ba dei peit ia kane ka Ophis U C .Ymbon , ha kaba na ka liang jongka Ophis bad ruh u Minister kila kular ban shimkhia, bad ki la pyndep hok hi ruh iaka jingkular ka jongki.
Kumta na ka liang ka JSU Mukhap Unit, ka pynpaw iaka jingsngewnguh bad ai khublei ia U Ministre bad iaka nongtrei jong kane ka Ophis kiba la kloi ban sngap iaka jingud jingnam jongki paidbah, ba ka Union ka kitbok kitrwiang iaki baroh ba kin danglah ban trei shitom naka bynta ka Roi ka par bad bad ban rad iaka jingeh jongki paidbah.
