Shillong, Nailur 02: Ka Ranikor Block Congress Committee (RBCC), ka dap da ka jingkmen bad ai khublei kyrpang ia u Chief Minister Dr. Mukul M. Sangma bad ia ka Sorkar MUA-II kumju ruh ia ki nongiallam jong ka AICC ki ba la pynrung biang ia u MLA ka thain u Martin M Danggo sha ka kynhun Myntri.
Kum ki nongkyrshan jong ka party ngim lah khlem da pynpaw ia ka jing burom ia ka nongrim kaba u nongmih khmat jong ngi u ieng skhem, wat hadien hynriew snem shiteng ba u la shu long tang kum .u MLA, hapdeng ki jing eh ba bun ba u ia kynduh kum u nongmih khmat na ka constituency kaba dang sah dien bad ba iar kum ka Ranikor, hynrei kum ba u ju pyni ia ki kum nongtrei party ban iai shah bad ban bat skhem ia ka nongrim, ka pynshisha ruh ba u dei shisha u briew u ba don mynsiem iai shah bad ka nongrim ba skhem.
Ka RBCC ka ai khublei kyrpang ruh ia u Myntri rangbah ka jylla u Dr. Mukul Sangma u ba la i bit ban bynshet ha u MLA jong jong ki ia ka tand shna surok jong ka sorkar jylla.
