Shillong, Kyllalyngkot 31: Mynta ka sngi ka kynhun jong ki seng kynthei na ka seng BJP na ka jylla Meghalaya, Sikkim, Nagaland bad kiwei ki jylla ka thain shatei lam mih ngi jong ka Ri India kila leit ban ai khublei ia ka kong Sylbi Passah kaba la ioh ia ka burom Padmashree.
Ka kynhun ki seng kynthei jong ka BJP kila leit sha iing sah jong ka kong Sylbi ha Raitsamthiah hapoh ka jingialam jong u bah Mariahom Kharkrang nognai ktien ka party bad u Vice President u Gagan Jain ha ka jingiadon lang kiwei ki nongkit kam ka party.
Ka jingshah pynkup burom ka kong Passah ka dei kawei pat ka jingithuh ia ka tem ka pud tynrai, kane ka long kmie kala trei shitom bad pynneh pynsah ia kane ka tem tynrai da ki bun bun phew snem mynta.
U bah Maraihom Kharkrang la ong ba da ki phew snem bad mynta u myntri rangbah duh jong ka Ri India u Narendra Modi u la pynkup ia kane ka burom ba ai ka jingithuh ia ka jingriew spah katem tynrai da kaba pynkup ia kane ka burom Padmashree.
Ka kong Susuki Pariat ka President ka seng kynthei jong ka party BJP ha Meghalaya kala ong ba kane ka dei ka burom ym tang ia ka jylla Meghalaya hynrei kane ka thain shatei lam mihngi ka Ri India, ka la ong ba ka burom ka leit sha u myntri rangbah duh jong ka Ri India u ba ai ia kane ka jingithuh kaba kyrpang ha ka tem ka pud tynrai.
