Shillong, Naitung 29: U Myntri Rangbah ka jylla u Conrad K Sangma mynta ka sngi u la bate kam ia u bah Sanbor Shullai kum u myntri kabinet ka sorkar Meghalaya, ki tnad sorkar kiba la bynshed ha u ki long, ka tnad ri jingri, ka tnad pynneh Riti dustur, ka tnad kampoh iing ba dei peit ia ka Passport, Phatok bad ka tnad ba peit ia ki nongbylla.
Ia ka tnad ka koit ka khiah kaba la bat da u bah A L Hek la aiti ha u bah Prestone Tynsong, kiwei ki tnad sorkar kiba la ai ti ha u symbut myntri rangbah ki long, ka Tnad shna iing, ka tnad Parliamentary Affair, ka PWD ba dei ia ki surok, tnad sam bam bad ka tnad ia treilang.
U myntri rangbah u la shim noh ar tylli ki tnad sorkar na u bah Prestone bad aiti sha u bah Sanbor, ka tnad Ri Jingri bad ia ka tnad ba dei peit ia ki nongbylla, ia ka tnad ka koit ka khiah kaba la bat da u bah Alexander Laloo Hek la ai pat ha u bah Prestone.
