Shillong, Iaiong 14: Ka jingtrei ban siang rong ia ka surok ban leit sha thian khatar shnong la bun bnia kala iaid beit bad kaba sah mynta ka long sa tang ban siang rong namar ka jingpynkhreh siang mawsalieng la jan dep lut.
Haba u SP News Agency u la leit sha katei ka thain la ioh ba ka jingpynkhreh ban siang rong ka dei na duh ka shnong Mewan ban kan poi shaduh ba kut ka shnong Kshaid bad ka jingtrei ban siang mawsaliengla jan dep.
Na Mewan sha Kshaid ka don kumba 15 km kaba kane ka jingsiang rong kaba la pyntrei mynta la bun bun bnai kaba dang sah mynta ka long tang ha kawei ka khongdong ba dang tih ban pynheh ia ka surok.
Ha kane ka surok la shna ruh ia ki muri pyntuid um kiba bun tylli bad kine baroh kila jan dep lut, ka jingbuh ia ki kor ki bor ban shet rong la pynkhreh rum Mewan bad na katei jaka yn kit ia ka rong ban siang ia ka surok.
Haba ia kren bad katto katne ki riew rangah na katei ka thain,kila pynsngew ba kane ka jingpyntrei ia kane ka surok la bun bnai bha mynta bad kila iohi ba ka jingpyntrei kala iaid beit bad ki don jingkyrmen ba kiba pyntrei ia kane ka jingtrei kin pyndep ha ka por ba biang kaba ki paidbah ka thain ki angnud.
