Nongstoin, Rymphang 20: Ki pulit jong ka jylla Assam kila wan tur hapoh jong ka shnong Umsawli, Langpih ban shna ia ka ktem pulit ha katei ka jaka ha kaba ki paidbah nongshnong shnong kila pyrshah jur.
Ha kane ka jingthmu ban leh don bor ki pulit jong ka jylla Assam na ka liang ki dkhot jong ka seng HYC ryngkat ki pulit kila leit ban khang ia ka jingklum khyndew bad pom dieng jubor ban shna ia ka police outpost ha katei ka jaka da ki pulit jong ka jylla Assam.
Ha kane ka sngi ki long kmie kila pynpaw pyrshah ia kane ka jingleh jong ki pulit Assam ban pyrshah ia ki pulit jong ka Assam kiba la mut ban thombor ia ka kper jong ka ban shna ia ka pulit outpost.
U bah Rimuliang nongialam jong ka HYC u la ong ba kane ka jingleh jong ki pulit Assam kam dei shuh ka sien kaba nyngkong kila juh wan thombor na ka por sha ka por ha katei ka jaka na ka liang jong ka seng kila wan ban ia don lang bad ka shnong ban ia synranlang.
Haka ka por u la ai khublei ia u Superintendent jong ki pulit ba dei peit ia ka West Khasi Hills District ha kaba u la phah ia ki pulit ban ia don lang ha kane ka jaka ban pahara bad ban peit ba kan nym mih kano kano ka jingjia kaba sngewsih.
Kum ki paidbah nongshnong shnong bad ki dkhot jong ka seng kila ap miet baroh shimeit ha katei ka jaka ba thmu ki pulit Assam ban shna ia ka Police Outpost ha katei ka jaka. Kane ka jingap miet ka long ban khanglad ia ki pulit Assam ban shna jubor ia ka Police Out Post ha Umsawli, langpih kaba hap hapoh jong ka West Khasi Hills District.
