Shillong, Iaiong 05: U bah Vincent H Pala MP ka Lok Sabha na ka 1-Shillong parliamentary Konstitwensi mynta ka sngi u la phah da ka jingthoh sha u myntri ba dei peit ia ka DONER u G.Kishan Ready ban kyntu ia ka ministry ban mang pisa T.10 klur ia ki samla ban ia khun ia ka eksam IAS.
Ha ka shithi u bah Vicnent u la kdew ba ka jingpassed ki briew na ki phra tylli ki jylla ka thain shatei lam mih ngi jong ka Ri India ia ka IAS bad IPS ka long kaba duna bha man u snem, lait noh katto katne ngut kiba na Assam bad Manipur.
Wat hapdeng ki sorkar jylla kane ka thain kila pyrshang ia la ki lat ki lynti ban iarap, dei tang ha u snem 2017 ba kidon 24 kiba pass na kane ka thain ha katei ka snem ka dei ka snem kaba bun eh kiba pass ia ka IAS bad IPS.
Ha dien katei ka snem ka jingpass jong ki briew na kane ka thain shatei lam mih ngi jong ka Ri India kila dang hiar, ha u snem 2019 kiba pass ki dang tang 13 ngut, ha u snem 2019 kiba pass tang 11 ngut bad ha u snem 2020 ki don tang 9 ngut.
Ha ka shithi u bah Vincent la ong ba ki don shibun ki samla kiba stad hynrei kam don ia ka jingbtin lynti khamtam ia ki jaka ai jinghikai, haba ia dei bad kane la kyntu ia u myntri ka DONER ba un leh ei ei halor kane ba ki samla kin ioh shah hikai la ka long ha Delhi ne ha ki nongbah jong ki jylla.
Ban plie lad ia ki samla kiba stad tang ba kim don lad, ban iarap ia ki u bah Vincent u la ai jingmut ia u myntri ka sorkar pdeng ba dei peit ia ka DONER ban mang pisa bai bam T. 10 klur tyngka na ka bynta kiba shah jied ban ia khun ia ka eksamin IAS bad IPS.
La kyntu ruh ban buh ia ki jaka ai jinghikai da kaba buh ia ki kynhun kiba tbit ban ai jinghikai ia ki samla kane ka thain kin ioh ia ki jinghikai khnang ba ki samla kane ka thian kin ioh ban ia khun ia kitei ki eksamin.
