Shillong, Iaiong 16: Ki samla wat kam jong ka Jylla mynta ka sngi ka 16 tarik u iaiong 2024 ki la leit ban tur sha ka office jong u Director Anti Infiltration Office ban pynpaw ia ka jingpyrshah ia ka raiba la shim da ka tnad Pulit ban khot Pynrung kam tang na ka bynta ki samla ki ba 18 snem haduh ki ba 21 snem ka kyrta.
Kane ka kynhun ba la ialm da ka samla B Pyngrope kiba ym shym la dei satia ka kynhun ka ba ki don ia ki nongialam hynrei kadei ka jingsngew khia jong ki para samla ki ba wad kam wad jam ha poh ka jylla bad kane ka jingwantur jong ki sha kane ka Jaka ka long ka ba jai jai.
Hynrei watla kam shym la don kano kano ka jingthmu ban pynthud ia ka iaid ka ieng hynrei ia kine ki samla la synran lang da ki bor Pulit khnang ban lait na kino kino ki jingjia bad la pynkynriah na katei ka jaka kaba ki mut ban leit.
Ha ba ioh ban ia kren bad u wei na ki samla wat kam u la ong ba u pynpaw ka jingpyrshah ia kane ka rai ba la shim da ka sorkar Jylla ha ka ban thung kam tang ia ki ba hapdeng ka 18 bad 21 snem ka kyrta, ha ka ba u la ong ba kane ka jingpynmih syndet syndet jong ka sorkar ia ka lah ban wanrah ia ka jingshem jingjynjar ia ki samla watkam.
U la ong ruh ba kane ka jingwanrah jingpynkylla da ka Tnadpulit ha ka rukom thep kam ka la wan rah jingeh ha ka ba bun na ki tang shudep ia ka jingpule ka age relaxation na ka jong ki ka lahkut. U la ong ruh ba ki dang ap jingkyrmen ba dei tang ha kane ka tnad ba ki apkhmieh lynti ba kin ioh ia ka kam jong ki.
Kine ki samla ki la pynpaw ruh ba ha kipor bala dep la jing thung kam ha ka tnad pulit ka Jylla ka long na ka bynta ka post SI ki shim ia ki samla ki ba ha kytra ba 27 haduh 32 snem ha ka ba ha kane ka kynti ba mynta ki la pynhiar sha ka 26 snem ha ka ba kane kam iahap shuh kat kum ka jingkwah ki khun samla.
Kine ki samla ki la buhr uh ka jingkyrpad sha ka sorkar ba kam dei lehbein ia ki samla wat kam watjam bad ba ki dei ban ai ia kahok ba kidei ban ioh. Ki la kyntu ruh ia ka sorkar ba ka dei ban kyntiew ia ka snem thung kam ha poh ka tnad Pulit kat ba ka lah ha kaba kane kan yn long ka jingduh nong ia ki samla ki bal pynkhreh mynta la bun bun snem.
Ha ba ioh ban Ia kren bad iwei na pdeng jong ki long kmie I ba la wan ban synran lang ia kine ki samla ia la pynpaw ia ka jingsngew khia ka ba jur ha ka ba I la ong ba ha ki Nongkyndong kin dang don ki khun samla ki ba 18 snem ka kyrta ki ba dang don ha peng ka klas 10 ha ka ba kane ka la long ka jing khang lad ia ki samla na ki nongkyndong.
Kane ka long Kmie ka la pynpaw ruh ba kham bun na ki samla mynta ki don ha pdeng ka jingjynjar ban ioh ia ki kam ki jam jong ki ha ka ba ha kine ki por ba mynta ki la pyrshang ha kane ka kam MLP ha ka ba ha ki por ba mynshwa bun na ki samla ki kyntait ia kane ka kam.
Kane ka long kmie ka la ong ruh ba kane ka jingle ka sorkar ka long kumba ka khanglat khang lynti ia ki samla ba kin ioh ban thep ia kine ki kam pulit ki ba ka sorkar Jylla ka dang shu pynlait shen lynba ka tnad Pulit ka Jylla.
ka la ban ruh ba ka sorkar ka dei ban bat ia la ka kular kum ba ki la pynmih ha ka ban pynjlan ia ka kyrta thung kam jong ki samla kaba sha ka 37 snem ka kyrta kum ba ki la pynmih ia ka order ha u snem 2022.
