Ba kiew ka jingshah thombor ki kynthei, hikai ban pynsngewthuh da ki jingialehkai ka MLCU

Shillong, Jymmang 02: Ka jingshah leh beijot jong ki kynthei bad khlem da map wat ia ki khynnah rit ruh kala kiew bah ha kine ki sngi, ka MLACU kala pynlong ia ki jingialehkai ban pynsngewthuh ia ki briew ia ki jingsniew ia kine ki jingialehkai la pynlong ha jaka iew ha Mawpun, Tiehjyrsieh,  ha New Nongstoin,   West Khasi Hills. Haba kren ha kane ka sngi kum u kongsan u Bah V Swer BDO jong ka Nongstoin, ryngkat ki sordar kiba la ia don lang ha kane ka sngi kila pynpaw ia ka jingsngewnguh ia kane ka skul bah kiba la pynlong ia kum kine ki jingialehkai ba ki paidbah kin sngewthuh ba kumno la pynkup bor ia ki kynthei, namar ba kum kine ki ha kip or kiba la leit noh kim juh don. Hynrei mynta wat la ki la don bun ki ain ban iada ia ki kynthei khynnah ka jingshah thombor ka dang jyllei. Ha ka jingkren jong u Bah S Rashi u wei na ki sorkar u la ong ba kala dei ban por ba hap phai biang ba kumno ka imlang sah lang ia niew ki kynthei bad ha ka juh ka por dei ban ai ia ki ia kata ka jinglait luid bad ha ka juh ka por ban iada ia ki ha ka rukom ka biang. Ha ka jingkren jong u Bah W Kharphuli u ba dei peit ia ka tnad pule jong kane ka skul bah ha ki kam trei mon sngewbha, u la ong, kaba kongsan ka long ba kumno dei ban pynkylla ia ka jingmut jingpyrkhat  ha ki briew ha kaba ia dei bad ki kynthei. Kane ka jingpyrshang ka jong ki ka long ban pynsngewthuh ba kumno ban ia leh pyrshah ia ki kam thombor pyrshah ia ki kynthei briew. Ia ki jingialehkai la ia shim bynta da ki khynnah pule jong kane ka skul bah kiba dei na ka Social Work Department. Ki sordar kiba la wan sha kane ka jingialehkai ban pynsngewthuh kumno ban burom bad ban iada ia ki kynthei briew ki long u Bah Sordar ka Mawpun- Tiehjyrsieh- New Nongstoin, u Bah  S Rashi, u ophisar ba dei na ka Child Development and Protection Officer,  u Bah R Nongkhlieng lem bad kiwei kiwei ki riew rangbah ka thain bad ki jong ka MLCU.