Shillong, Iaiong 18: Mynta ka sngi u Secretary ka Meghalaya Human Right Commission (MHRC) u la phah da ka jingthoh sha u Director Genenral ki pulit ba dei ban pynpoi ia ka kaiphot hapoh 15 sngi halor ka jingmih khubor ba shah tait shnong ka long kmie ha shnong Lumlakhait.
Ka MHRC kala ong ba kala iohi ia ka khubor ba la mih ha kawei na ki kot khubor na ka jylla kaba lathoh “Naba shah kynnohai Taro, shah tait shnong ka long kmie ha la dorbad shnong Lumlakhait”.
Haba iohi ia kane ka khubor ka register mukotduma bad kala phah da ka jingthoh sha ka tnad pulit jong ka jylla bad la bthah ba un ai ia ka kaiphot sha ka MHRC hapoh ka khat sngi naduh bala ioh pdiang ia kane ka jingthoh.
