Shillong, Rymphang 19: Mynta ka sngi sa ar 
ngut ki MDC jong ka seng Congress u bah Carnes Sohshang bad u bah Batskhem Ryntathiang kila leit ban pyniasoh bad ka party NPP ia kaba la pdiang sngewbha ia ki da u National President u Conrad K Sangma ha ka jingialang ha ophis ka party ha Lachumier.
Ka party Congress ha u snem 2019 kala jop 7 ngut ki MDC, u bah Balajied Rani, bah Charles Marngar, bah Ronnie V Lyngdoh, bah Pynshngainlang Syiem, bah Batskhem Ryntathiang, bah Bajop Pyngrope, bah Carness Sohshang bad u bah Grabiel Wahlang.
Kiba sah mynta hapoh ka party ki don sa tang saw ngut, kito ki long u bah Ronnie V Lyngdoh, bah Pynshngianlang Syiem bad u bah Charles Marngar bad bah Grabiel Wahlang, kiba dang don ha ka party Congress ka ia treilang bad ka NPP ha KHADC.
Ki MDC ka Congress kiba la leit ban pyniasoh bad ka NPP nalor kine ki ar ngut kiba la leit mynta ka sngi, ki long u bah Bajop Pyngrope katba u bah Balajied Rani pat u la leit ban pyniasoh bad ka UDP da kaba leit ban bud ia u MLA ka Nongpoh sha ka UDP.
Da kane ka jingwan rung jong kine ki ar ngut ki MDC ka NPP kala don haduh 16 ngut ki MDC ha ka iing dorbar kaba 30 ngut, ki MDC kiba don ha ka EC ki long, bah Victor Ranee, Kong. Macdalyn Sawkmie Mawlong, bah Rangkynsai Kharbuki, bah Pyniaidsing Syiem, bah Lambor Malngiang.
ka kong. Grace Mary Kharpuri, bah Alvin Khyriem Sawkmie, bah Latiplang Kharkongor, bah Fantin Joseph Lakadong, bah Teibor Pathaw, bah Lamphrang Blah, bah Batskhem Ryntathiang, bah Bajop Pyngrope, bah Gigur Myrthong, bah Carness Sohshang bad bah Bindo. M. Lanong.
Ki MDC ka UDP ki long bah Balajied Ranee, bah Ryngkatlang Lyndem, bah. Teinwell Dkhar, bah Titosstar Well Chyne, bah Mitchel Wankhar, bah Paul Lyngdoh, bah Jambor War, bah Pius Marwein bad bah Martle N. Mukhim HSPDP kiba don ha ka liang pyrshah. katba u bah Sherborlang Mawlong kam shai ha ei u don.
