Shillong, Rymphang 12: Ki shipai BSF kila ioh ban kem ar ngut ki nong India kiba pynrung ia ki khar Bangladesh ha East Jaintia Hills District bad la ioh ruh ban kem ar ngut ki khar Bangla, u wei u shynrang bad kawei ka kynthei katba ki dang mut rung sha India.
Ki shipai BSF ha dien ba kila ioh ia ka jigntip kaba bniah kila pynlong ia ka jingap ktem ha tei ka jaka ha Rattacherra, haba la ioh ban kem bad haba la kylli byrthew ha ka jingthohkit ki BSF kila phla ba kid ei na Dhaka ban wan rung sha India.
Kine ki briew kila wan sha India da ka kali number AS 01 AG 3395, ki shipai BSF ha dien ba kila pyndep ia ka jingthohkit kila aiti noh ia ki kine ki briew bad ka kali kaba kila ioh ban kurup sha ki pulit ka Umkiang ban leh ia kaba don kam katkum ka ain.
Ki BSF kiba don ha khappud bad ka Bangladesh kila ong ba peitngor ban pynthikna ia ka jingshngian jong u pud u sam bad ki briew na bar ri kim die ban ioh lat ban rung sha kane ka jylla bad ka Ri India.
