Shillong, Jylliew 22: U Parliamentary Secretary I&PR, ui Rophul S. Marak ha ka jingpynlait khubor ka jong u mynta ka sngi u la kyrpad ia ki lehnoh kiba la rah bor ia u kpa jong u phadar Francis N Marak khlem da pynmynsaw ei ei.
U Idinon R. Marak, u dei u kpa jong u phadar Francis N. Marak, ba shong ba sah ha ka shnong Imbloka jong ka South Garo Hills District u la shah rah bor ha ki riew sniew naduh ka 16 tarik mynta u bnai na Gulpani, Rongara, katba u dang mut ban leit sha Rongara.
Na ka liang jong u tei u MLA jong katei ka jaka u kyrpad ia ki lehnoh ne ki dei ki ei ruh kiba la rah bor ia u kpa jong u phadar Francis ba kin sngewbha ban pynlait noh mardor ia u khlem da pynsaw ei ei.
